O pasado sábado 27 de xuño tivo lugar no Campo Municipal de Fútbol de Lombáns no Concello de Carnota, a clausura da VII Liga da Costa da Morte de Fútbol 7 nas categorías de Alevín e Benxamín. A asistencia e particiapación foi fenomenal e arredor de 600 persoas, entre xogadores e acompañantes, ateigaron o campo carotán.

Nesta edición da liga participaron un total de 17 equipos de categoría Alevín e 14 de categoría Benxamín, divididos en dous grupos, Costa Norte e Costa Sur. A fase final da liga celebrada no Concello de Carnota disputárona os equipos campeóns de cada grupo e categoría. Algún levou a camiseta da Costa da Morte, a ver cando podemos ver esto nunha competición nacional e que non haia mortos polo camiño... 

A xornada comezou as 17:00 h coa presentación dos equipos e o torneo. Os partidos disputáronse de forma simultanea en dous campos. A parte dos partidos da fase final tamén tivo lugar un partido entre as seleccións alevíns de cada grupo. O acto deuse por finalizado en torno as 20:00 h coa entrega de trofeos e agasallos por parte da corporación municipal, o Alcalde Don José Domingo Oreiro Rodríguez, a Tenente de Alcalde Marisol Piñeiro e o Concelleiro de Deportes José Enrique Romero Caamaño. Así de sedentos quedaron os pequenos artistas.

Clasificacións

A clasificación final, malia ser o de menos, foi a seguinte:

• Benxamín:
  - 1º clasificado: As Baleas (Camariñas), pertencente o grupo Norte;
  - 2º clasificado: Santa Comba, pertencente o grupo Sur, (resultado da final: 2-0).
• Alevín:
  - 1º clasificado: Concello de Cabana, pertencente o grupo Norte;
  - 2º clasificado: Esteirana, pertencente o grupo Sur, (resultado da final: 3-1).

Estes son varios dos equipos participaron:

Un equipo de Ponteceso:

Os alevíns de Camariñas:

Os rapaces de Carnota:

Os Míudos de Muros:

Organización

A Xornada organizada pola Concellería de Cultura e Deportes do Concello de Carnota, que paralela e simultáneamente ó acto de Clausura da Liga, programou unha serie de actividades de ocio e tempo libre para disfrute dos cativos e algúns adultos, as cales tiveron unha gran acollida entre os asistentes. Contaba cun circuito Ximcana -deportivo e xogos populares (A chave, a Ra, os Aros, a Mariola…), actividades que teñen instalacións permanentes no complexo deportivo Municipal de Lombáns.

Entre todos eles atopamos ao adestrador do Carnota da Liga da Costa, Alfredo Cambeiro.

Novas relacionadas

• Doblete do Nantón en Veteranos.
• As rapazas do Fisober rematan a tempada de convivencia polas Rías Altas.

Máis información

• Clasificacións das Ligas Escolares de Fútbol 7 Benxamín e Alevín.
• www.copadacosta.com.

Fonte

• Nota de prensa do Concello de Carnota, da man de María, unha das monitoras do Concello.