A Consellería do Mar, ante as dúbidas do sector, aclara que a prohibición da captura de xarda afecta a todas as embarcacións de Galicia tanto á pesca profesional como á deportiva. Unha prohibición que estará vixente ata fin do 2009. A semana pasada a Asoar-Armega facía públicas as súas dúbidas polo esgotamento da cota anual, indicando que "o esgotamento da cota por parte de outros sectores e outras comunidades autónomas".

Hoxe, responde a Xunta, pero responde en termos absolutos. "A cota está pechada para todos". Matiza Mar, e lembra que foi o Goberno Central quen prohibiu a captura de xarda nas zonas VIII c, IX X e Augas comunitarias do CPACO 34.1.1 (dende o Golfo de Cádiz ata Francia). A prohibición afecta a todas as embarcacións de Galicia dende as 00:00 horas do día 10 de xuño.

O departamento de Ordenación e Xestión de Recursos Mariños, que dirixe Pablo Fernández Asensio quere facer varias aclaracións: explica que o peche da pesca desta especie decrétase en función da superación dos cupos de captura (TACs) establecidos para este ano tanto no caladero Cantábrico-Noroeste coma no golfo de Cádiz, polo que se entende que a prohibición de captura de xarda tamén é establecida para as augas interiores, dado que dito esgotamento prodúcese en toda a zona VIII e IX.

Rebaixa de impostos aos portos

Portos de Galicia inicia unha reestruturación das taxas e da súa tramitación fiscal e administrtativa. Para iso comeza cun estudio pormenorizado e exhaustivo, para que no ano 2010 se poida levar adiante unha redución sensible das cargas burocráticas que trae consigo o amarre dos barcos e as operacións portuarias.

Así o anunciaba onte o presidente de Portos de Galicia, José Manuel Álvarez-Campana. Portos de Galicia quere aplicar tres principios que rexerán as revisadas taxas de portos e que se guiarán pola premisa dun alivio fiscal, buscando o axuste e redución dos montantes e cargas polas diferentes operacións a efectuar nos espazos de dominio público portuario; polo fomento da actividade e usos dos portos e, finalmente, por unha simplificación administrativa e burocrática que de axilidade e comprensión ao usuario sobre o sistema de tramitación administrativa.

Álvarez Camapna lembrou que a administración ten "ánimo de simplificar, remodelar e axeitar á realidade esta normativa económico-administrativa”.

Novas relacionadas

• Dúbidas sobre o esgotamento da cota da xarda.
• Mar abre a veda do polvo.
• Vieiras furtivas e tóxicas.
• Novo golpe contra o furtivismo da Costa.

Fonte

• Nota de prensa da Xunta de Galicia.
• Imaxes de Laxe.net.