O luns informábamos da aprehensión de 60 quilos de vieiras futivas e tóxicas, e a operación continúa aberta. Así, Axentes da Garda Civil adscritos ao Seprona, imputaron ás cinco persoas que estaban tratando de realizar a descarga da vieira, desde un barco dedicado á pesca que estaba amarrado no peirao de Fisterra.

Os gardas sorprenderon aos agora imputados nun delito contra a saúde pública, manipulando dúas barreños plásticos que contiñan no seu interior 429 unidades do citado bivalvo, uns 60 quilos. Actualmente está prohibida a súa captura xa que supera os controis de toxicidade establecidos.

Aínda que os feitos tiveron lugar o pasado día 25 de xuño, non foi ata fai un par de días cando as análises do Instituto Tecnolóxico para o Control do Medio Mariño de Galicia, arroxaron o resultado de "non aptas" para o consumo.

Os feitos foron postos en coñecemento do Xulgado de Instrución Número Un de Corcubión.

Novas relacionadas

• A Xunta ratifica a prohibición da captura da xarda e anuncia rebaixas nas taxas portuarias.
• Vieiras furtivas e tóxicas.
• Novo golpe contra o furtivismo da Costa.
• Mar comeza a persecución aos furtivos na Costa da Morte.

Fonte

• Nota de prensa da Garda Civil.
• Imaxe de Artritis.blogspot.com.