Se hai unhas semana eran os surfistas do Clube Os Tombos os que realizaban a anual limpeza da praia de Nemiña, o Programa de Voluntariado e unha visita moi especial procederán a recoller o que non puideron os rapaces. Na imaxe vemos as galletas de chapapote que aínda se atopan pola praia de Nemiña

O domingo, día 5 de xullo, chegará a Muxía un grupo de alumnos do Colexio Irmás da Caridade de Santa Ana de Guadalajara. Este grupo de mozos ofreceuse para facer unha limpeza na praia de Nemiña que será o día 6:00h ás 11:00h da mañán.

Os voluntarios/as do Programa de Voluntariado Ambiental do Concello poden unirse a esta limpeza. Pola tarde, do mesmo día 6, estes mesmos mozos de Guadalajara ofrecerán unha actuación de títeres para os nenos/as; esto será ás 20:00h da tarde na ribeira.

Concerto Coral

Dentro da Programación cultural do verán, hoxe venres 3 de xullo, ás 21:00h horas terá lugar un Concerto Coral coa actuación de Coral San Eleuterio de Tella e Coral Virxe da Barca de Muxía. A actuación será no Salón do Voluntariado do Edificio de Servizos Múltiples.

Novas relacionadas

• Os surfistas limpan as praias que os concellos non coidan.
• Xa está en marcha o Proxecto Buserana pola Defensa do Patrimonio Cultural Inmaterial.
• A bitácora da semana (LVII): O blog da Coral de San Eleuterio de Tella.

Fonte

• Nota de prensa do Concello de Muxía.