Recentemente o BNG de Fisterra reuniuse na asamblea local para elexir ao que xa é novo responsábel local, Xan Carlos Sar Oliveira, sustituíndo así Mónica Góñez, portavoz municipal, que viña compaxinando as dúas tarefas. Precisamente vemos a Mónica na asemblea comarcal que serviu para elixir a Lolo Muíño como responsable comarcal.

Xan Carlos Sar, foi elexido por unanimidade de todos os membros asistentes á asamblea e representará á localidade de Fisterra no consello comarcal. O novo responsábel destaca que “pretende afianzar a militancia de Fisterra, e consolidar a organización do BNG. O obxectivo é subir en votos nas próximas eleccións para aumentar os concelleiros e alcanzar a alcaldía no 2011”. Por outra banda manifestou que “ vou traballar arreo para que as propostas dos veciños cheguen ao concello por medio do BNG, e sintan que o BNG vai estar sempre defendendo os seus intereses”.

A vindeira asamblea local de Fisterra convocárase o segundo domingo de xullo.

Novas relacionadas

• O BNG de Cee acusa ao goberno municipal de non garantir a educación dos máis pequenos.
• Lolo Muíño é o novo responsable comarcal do BNG.

Fonte

• Nota de prensa do BNG de Fisterra.
• Fotografía de Marcos Rodríguez.