O Banco de Tempo do Concello de Laxe continúa tomando forma e forza. Nun mes a participación da veciñanza multiplicouse por 3. Así, de 5 usuarias do mes pasado, pasamos neste a 18 usuari@s (13 mulleres e 5 homes).

As dúas actividades organizadas polo Banco de Tempo para este mes de xullo xa están en marcha, é mostran un gran interese entre as usuarias e os usuarios:

Informática

O Obradoiro de Informática na Torre, completou as prazas dispoñibles nos dous días despois de sacar a noticia. O Banco espera poder repetir o obradoiro nun futuro próximo para aquelas persoas que quedaron fora deste primeiro obradoiro. A segunda clase será hoxe venres de 19:30 a 20:30h.

Pasatempos

Os Pasatempos para todas e todos os maiores no Aprazadoiro, tamén mostrou gran interese especialmente entre as mulleres deste lugar. Estas tardes de pasatempos continuarán os mércores de xullo de 17:30 a 20:00h.

Inscricións

Todos e todas que queiran apuntarse a esta actividade poden participar poñéndose en contacto coa Axente de Tempo no telefono 981 706 903 ou mesmo acercándose o Local Social do Aprazadoiro no horario da actividade.

Máis información

• Blog dos Bancos de Tempo da Costa da Morte.
• Vimianzo: Para máis información poden chamar o número de teléfono 981.716.001 e preguntar por Laura Castiñeira Vilariño, Axente de Tempo do Concello de Vimianzo no Servizo de Emprego e Desenvolvemento Local.
• Camariñas: Para máis información, poden chamar ao Teléfono: 981 737 00 en horario de luns a venres de 08:00h a 15:00h.
• Zas: Poden chamar o número de teléfono 981.708.303 e preguntar por Sonia Ramos Lema, Axente de Tempo do Concello de Zas.
• Corcubión: Poden solicitar máis información no concello, en horario de mañá, preguntando pola Xestora dop Banco de Tempo, Marta Sanz, ou chamando ao 981 745 400.
• Cee: Poden pasar polo concello, no Departamento de Desenvolvemento Local, Emprego e Xuventude do Concello de Cee; ou ben chamando ao 981 745 100.

Máis novas sobre os Bancos de Tempo da bisbarra

• Vimianzo, Zas e Laxe acostúmanse a compartir tempo.
• Os Bancos de Tempo espállanse con bricolaxe, masaxes e artesanía.
• Vimianzo: O Banco de Tempo de Vimianzo recupera saber popular.
• Cee: O Banco de Tempo de Cee prepárase para a praia .
• Camariñas: En Camariñas eles cociñan, elas degustan.
• Corcubión: O banco de tempo de corcubión comeza cunhas Xornadas de Bricolaxe.
• Laxe: O Banco de Tempo de Laxe preséntase ás asociacións.
• Zas: O Banco de tempo de Zas comeza con masaxes .

Fonte

• Nota de prensa da Axente de Tempo do Concello de Laxe, Elisa Cundíns Suarez.