|
O pasado 25 de xuño o Concello de Corcubión presentou o proxecto de compostaxe doméstica para o que foi seleccionado polo Ministerio de Ambiente y Medio Rural y Marino, xunto con outros 10 Concellos distribuidos por toda a xeografía española. Trátase dun proxecto ideado por un veciño corcubionés, Alfredo González, o Presidente da Asociación Universidade Popular de Corcubión, quen propuxo ao concello corcubionés a solicitación para participar no proxecto. O concello respondeu, e tras un ano e pico de negociacións, o proxecto vai cara adiante. Autoxestión Este proxecto, consiste nunha experiencia piloto que pretende concienciar e desenvolver a capacidade da poboación para autoxestionar os residuos orgánicos xerados no fogar e nos xardins. A actividade inclúe ao tempo numerosas vantaxes que supon a implantación da técnica do compostaxe para a obtención dun abono natural (compost) e a redución do volumen de refugallos e do custo derivado da súa xestión para o Concello. Participación Participarán un total de 38 familias as que se unirá o Colexio Público de Corcubión. Todos os participantes recibirán de forma gratuita un compostador, un balde para a cociña, un aireador e diverso material informativo sobre a sua correcta utilización. Para uso comunitario, distribuiranse ademáis unha serie de biotrituradores. Durante o desenvolvemento do proxecto, os participantes contarán coa asistencia dun técnico especializado que realizará un seguimento a través de visitas ás casas e ó Colexio, onde tomará mostras para analizar as cualidades físico-químicas que determinen o estado e grao de maduración do compost. O proxecto na súa totalidade terá unha duración aproximada de entre 10 e 11 meses. Ao acto de presentación asistiu o Xefe de Servicio do Ministerio, representantes de Novotec, a técnica encargada do proxecto en Corcubión ademais do Alcalde, Francisco Lema, Chisco, e o Concelleiro de Medioambiente, Lalo Insua. 
Máis información Novas relacionadas Fonte
|
Semente RSS