A Consellería de Medio Ambiente, Territorio e Infraestructuras levantou o veto ás centrais hidroeléctricas, que impuxera o goberno bipartito ao asumir o poder no 2005. O río Xallas corre así perigo de novo de que se amplíe algún dos 4 saltos xa explotados pola empresa Ferroatlántia e mesmo de se constrúa algunha nova minicentral. O diario El País califica o proxecto que ten pensado realizar o Grupo Villar Mir no Xallas como "un dos máis polémicos e ambiciosos" de todo o país.

Actualmente, a fábrica de ferroaleacións continúa a medio gas, se ben acaba de encender o segundo forno, e mantén o ERE á case a totalidade dos traballadores. Sen embargo a empresa continúa centrando os seus obxectivos na explotación hidroeléctrica, que é a que realmente lle é rendible economicamente.

De feito, a empresa está á espera de ampliar ata tres saltos no Xallas, que corresponden a novos grupos das presas de Fervenza, Novo Castrelo e Ponte Olveira.

Con todo, a dirección non quere vencellar a concesión de explotación do río Xallas coa produción das fábricas de Cee e Dumbría, como pedira a CIG. Unhas fábricas que mantén a día de hoxe en funcionamento, case como obra social.

Na imaxe vemos os desagradables tubos que baixan polas ladeiras do Ézaro.

Novas relacionadas

• Apretada votación entre os traballadores da Ferroatlántica para aceptar o ERE.
• ERE en Ferroatlántica.
• A CIG pide que as fábricas de Ferroatlántica queden vencelladas á concesión hidroeléctrica.
• O porto de Brens, para que e para quen?.
• Ferroatlántica, única culpable da desfeita ecolóxica da Fervenza para a Fiscalía.
• Denuncia cunha foto: A morte da fervenza.
• Denuncia cunha foto: As escouras da Ferroatlántica na praia do Rastrelo.

Fonte

• El País: La Xunta levanta el veto para construir minicentrales en los ríos.