|
Das 3.242 fotografías que se presentaban ao concuso de Vagamundos El Fotón, tivo que ser a foto do Cabo Roncudo a gañadora na Categoría de Paisaxe. Unha foto do noso compañeiro Marcos Rodríguez, que sorprende a quen a ve. "Dende onde a sacaches? dende un helicóptero?" Esta é a clásica pregunta que lle fan os seus amigos ante esta nvedosa visión do Roncudo. Un Cabo Roncudo do que estamos acostumados a ver a vista coas dúas cruces e o cabo no fondo, e que Marcos nos renova para que disfrutemos dunha visión "máis agresiva", como cmentaba onte nas ondas da Radio Nordés - Cadena Ser, na entrevoista que lle facía Susana Albite na primeira hora do programa Vivindo a Costa da Morte. Esa sensación de estar sacado no aire faina, como di el, "agresiva", pero sobre todo, impresionantemente bonita. Trátase dunha "composición distinta", a que a fai máis interesante. A beleza e a luz Así, o mesmo Marcos afirma procurar sempre "a beleza de cada lugar". E todo, baseándose na luz. Ten que ter a luz que lle gusta, e ata é capaz de erguerse ás 5:00 da mañá para ir cazar un bo amencer. Así o reflectía na exposición A Costa da Luz, que estivo o ano pasado en Arteixo. Paisaxe ou periodísmo Con todo, a día de hoxe xa non sabe que clase de fotogradía máis lle enche. O traballo de periodista que desenvolve integramente na Costa da Morte fai que pouco a pouco vaia collendo gusto a esta modalidade. A fotografía paisaxística sempre foi o seu forte, como demostran a morea de premios que acumula, pero o fotoperiodismo estase facendo un oco nos seus adentros. Non hai evento na bisbarra no que non aparezan polo medio os rizos deste intrépido fotógrafo. De feito, aí o vemos metido no medio da Festa do Fútbol da Costa, na final da Copa da Costa celebrada esta pasada fin de semana en Vimainzo. Máis información Máis información De viaxe con Marcos
|
Semente RSS