Xa coñecimos a Antón Zapata García, o poeta laxense, na Elección Histórica da Costa da Morte, elixido por Xosé María Lema Suárez para participar na singradura histórica. Foi un deses poetas do século XX, que dende a diáspora, como non, dende Bos Aires, reflexou o sentir galego nos máis importantes xornais arxentinos. Ademais escribiu sobre personaxes tan importantes como Castelao ou Pondal, recén elixido coma o Persoeiro da Costa.

Para coñecelo un pouco máis, o escritor ceense Miro Villar González, acaba de publicar a primeira biografía do poeta de Laxe. Editada por Laiovento, chega esta "reivindicación" dun personaxe que non tiña aínda o seu debido recoñecemento. 

O título é "Antón Zapata García. Biografía dun poeta emigrado ao servizo da II República", e xa podedes preguntar por el nas principais librerías da bisbarra. Podedes ollar a interesante entrevista que lle fai Eduardo Eiroa dende La Voz, na que Miro destaca que se non somos nós os que potenciamos o noso pasado, quen o vai facer?

Información sobre Miro Villar

• Centro de Documentación da AELG: Miro Villar.
• Youtube: Videoteca AELG: Miro Villar.

Máis información

• Elección Histórica da Costa da Morte.
• Antón Zapata García.

Novas relacionadas

• Eduardo Pondal é elixido como o Persoeiro da Costa.
• Modesto Fraga leva a poesía ata o fondo do mar de Fisterra.
• Dumbría nun libro.
• A Guerra da Independencia na vida de Fernando Blanco de Lema.

Fonte

• La Voz de Galicia: «Ten que ser a xente da Costa da Morte a que lle dea valor ao noso».
• La Voz de Galicia: Miro Villar saca á luz a primeira biografía sobre o poeta laxense Antón Zapata García.