A Comisión organizativa do IX Mercado Medieval de Corcubión fai un chamamento ao pobo de Corcubión, para preparar a representación do Desembarco.

Este ano ademais, a representación contará cunha obra de teatro con protagonistas ben coñecidos. Xentes de Corcubión, entre os que podemos atopar a Fran Hermida ou Manolín, serán os protagonistas da trama. O Desembarco será o venres 24 ás 23:30h, no areal central de Corcubión, as tropas do Arcebispo Rodrigo de Luna loiten contra os cabaleiros dos Condes de Altamira, como ocorrera aló polo ano 1457.

Reunión

Así, que se queredes participar no Desembarco do Mercado Medieval como figurantes, achegádevos este xoves 16 de xullo, ás 18:00h ao Casino de Corcubión. Alí estarán a Comisión e mais os organizadores da representación, para ir preparando os papeis da obra. Necesítanse invasores e defensores da vila de San Marcos. A semana que vén chegan os mestres de La Recua para ir ensaiando a obra.

Lembra, este ano os protagonistas son os habitantes de Corcubión.

Corcubión Medieval

E para irmos abrindo boca, vemos este vídeo que nos trae Iago Coronilla, amenizado polo grupo Acibreira, participante en todas as edicións e xa uns máis do pobo corcubionés..

• Corcubión Medieval.

Novas relacionadas

• Corcubión únese para o Mercado Medieval.
• Entrevista con Francisco Lema de Pazos.
• Crónica do Mercado Medieval 2008.
• Reportaxe do VII Mercado Medieval Costa da Morte 2007.

Fonte

• Readacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Fotografía de Pablo Damonte (R): El sur se mueve.
• Vídeo de Iago Coronilla.