|
Unha boa mostra da tradición artesá da Costa da Morte atópase, como parada no tempo, no Castelo de Vimianzo. Alí, un feixe de artesáns de toda a bisbarra traballan no seu, nos seus oficios de sempre. Artesáns e oficios son os protagonistas desta Mostra de "Artesanía en Vivo", que xa leva 16 anos viva recuperando a historia da bisbarra. Artesanías As artesanías presentes son: encaixe, artesanía do liño, cestaría, sombreiraría, alfarería de Buño, pratería, maquetería de barcos, cantaría, zoquería e artesanía en pel. Os artesáns Unha das partes máis interesantes da visita é a posibilidade de coñecer a vida dos artesáns. Sempre dispostos a falar un ratiño, os artesáns mostran a cara máis persoal destes oficios. Aí está o cesteiro Jesús, o Manolo cos zocos, Fermín cas barquiñas de madeira, que non agochan a súa galeguidade. Os artesáns que estarán presentes na mostra son os seguintes: Fermín, Barcia Gerpe, que vemos arriba coas súas maquetas de barcos, de Camariñas. José Rodríguez Mouzo: Canteiro, de Vimianzo. 
Esther Ferreiro Romá: Platería, de Santiago. 
Manuel Pérez Martínez: Zoquería, de Vimianzo. 
Jesús Antelo Gómez: Cestería, de Ponteceso. 
Fernando Cambón Cambre: Olería, de Buño. 
María de la Cruz Isabel Torre Quintáns: Sombreiraría, de Mazaricos. 
Estas son as casas de artsanía que alternan profesionais no Castelo: Asociación Amigos do Liño da provincia de A Coruña: Carreira-Zas, con Carmen Riveiro ao fronte. 
Asociación de Palilleiras "Nosa Señora da Barca de Muxía".
Asociación de Palilleiras "As Nemanquiñas", de Vimianzo.
Asociación de Palilleiras de Camariñas (Rendas).
 ASPADEX: Artesanía da pel, de Cee. 
Patrimonio material e inmaterial Son tantas as cousas que se poden disfrutar do Castelo que non paras en toda a visita de agudizar os sentidos. Que se os cheiros do liño, da rocha traballada, do barro... E o son, que sons tan particulares. Cómpre quedarse no medio do patio do Castelo, un día que non hai moita xente, e simplemente escoitar, como fixeron os compañeiros de escoitar.org, que pasaron un día escoitando ás palilleiras e ás fiadoras do liño. Horario do Castelo - Inverno (fins de semana): 10:30 a 14:00 e de 16:00 a 18:30.
- Verán: 10:30 a 14:00 e de 16:00 a 20:30.
- Pechado os luns.
Horario da Mostra de Artesanía en Vivo - De outubro a maio (excepto Semana Santa): 10:30 a 14:00 e de 16:00 a 18:30h (só as fins de semana).
- Semana Santa e meses de xullo, agosto e setembro: 10:30 a 14:00 e de 16:00 a 20:30h.
Novas relacionadas Máis información
|
Semente RSS