|
Unha das poucas colonias da especie de fieito "Isoetes Fluitans", e máis grande de Galicia, xa non existe. Unhas obras do concellos no canle do río Xallas ao seu paso pola Ponte Olveira para unha competición de piragüismo, provocaron a "destrución da poboación galega-costeira máis importante dunha especie vexetal en perigo de extinción". Así o denuncian dende o PP dumbriés, avalados polo grupo ecoloxista da Ponte do Porto PX. Dende PX apuntan que se trata "dunha evidente neglixencia e dun delito ambiental penado pola lei". Vemos na imaxe, extraida da páxina rios-galegos.com, a maior poboación deste fieito no país, a do río Xallas, tal e como estaba uns anos atrás. Nota de prensa de PX OBRAS DO CONCELLO DE DUMBRIA DESTRÚEN UN FIEITO EN PERIGO DE EXTINCION A maior colonia galega da especie "Isoetes Fluitans", un fieito en perigo de extinción, foi destruída, como consecuencia dunhas actuacións executadas polo Concello de Dumbría na canle do río Xallas. Un grupo de operarios municipais do Concello de Dumbría intentaron adecuar o curso do río Xallas, ao seu paso por Ponte Olveira, para unha competición de piragüismo. O resultado "foi a destrución da poboación galega-costeira máis importante dunha especie vexetal en perigo de extinción", segundo denunciou o portavoz do PP neste concello, Ramiro Iglesias. Para o grupo ecoloxista PX trátase dunha evidente neglixencia e dun delito ambiental penado pola lei. "Isoetes Fluitans" está declarada en perigo de extinción no catálogo galego de especies protexidas e como especie en perigo no atlas AFA, lista vermella española, e é unha especie moi escasa e endémica en Galicia, protexida polas leis vixentes e en catálogos internacionais, sendo citada en 2004 en The Linnean Society of London, Botanical Journal of the Linnean Society, 2004, 146, 231"236. Así o confirma Maria Inmaculada Romeu Buján, do departamento de Botánica da facultade de Veterinaria da Universidade de Santiago, autora dun estudo sobre a flora bascular galega, quen confirma que "é un raro helecho acuático coñecido só nalgúns ríos da Coruña e Lugo". Desde o PX cremos que se trata dun feito gravísimo e que Medio Ambiente debe abrir un expediente por delito ambiental. Nota de prensa do PP de Dumbría O PP de Dumbría denuncia que as obras no río Xallas afectaron a unha especie autóctona en vías de extinción - Insta ao concello a que explique o ocorrido e repare os "gravísimos" danos.
Dumbría, 11 de setembro de 2009.- O Portavoz do PP de Dumbría, Ramiro Iglesias, denuncia que, por mor dunhas obras no río Xallas, ao seu paso por Ponte Olveira, produciuse un grave atentado ambiental ao verse afectada a especie "Isoetes fluitans", declarada en perigo de extinción. E é que, tal e como indica o representante popular, é unha especie escasísima e endémica de Galicia, protexida polo Decreto 88/2007 con data de 19 de abril e que regula o Catálogo Galego de Especies Ameazadas. Igrexas informa de que os pasados días 7 e 8 de agosto, maquinaria pesada e operarios municipais, invadiron o leito do río, co propósito de modificar o seu curso. O obxectivo era a adecuación do río para a competición dunhas probas de piragüismo. "Pero o resultado foi a destrución da poboación galega-costeira máis importante dunha especie vexetal en perigo de extinción", lamenta Igrexas. E é que, segundo relata o representante popular, os metros de leito que se modificaron "está agora completamente estragado". Por todo iso, Igrexas insta ao Concello a que explique o motivo polo cal actuouse nesta parte do río, a propósito de que existía dita especie. Do mesmo xeito, esixe coñecer se os responsables "desta barbarie" dispuñan dos permisos correspondentes para actuar. Para o líder dumbríes, este feito pon de manifesto a "imprudencia e neglixencia" coa que traballa o Goberno Local. "A ignorancia, neste caso, non pode ser a súa escusa, xa que o Concello é coñecedor da presenza desta planta neste punto concreto", subliña Igrexas. Por iso, o representante popular esixe a reparación dos "gravísimos" danos producidos en Ponte Olveira. Novas relacionadas Fonte
|
Semente RSS