O chamado "proxecto de rexeneración da praia de Corcubión" segue en boca de toda a xente do pobo. A falta de información é un dos males que afecta ao proxecto, sobre o cal moita xente non ten unha opinión persoal, senón que opina segundo o bando ao que pertenza. Este é un dos cabalos de batalla do colectivo en defensa da ría, que está a organizar unhas xornadas informativas.

Tamén o Concello está a organizar unhas xornadas, e xa sinalou que logo pulsará o pensar do pobo a través dunha consulta porta con porta. Un método que para o BNG "están encamiñadas a coaccionar aos veciños". Ante esta circunstancia é agora o BNG local o que solicita información veraz. Así, o voceiro Oscar Insua afirma que ”é necesario que a xente estea totalmente informada, para que poida adoptar unha decisión independiente, xusta, transparente e non coaccionada".

Propostas e denuncias

O BNG lembra as súas propostas alternativas, que a día de hoxe non se debatiron nunha mesa, como a reforma da praia de santa Isabel (vemos na foto a zona), a ampliación da praia de Quenxe, ou o remate da unión do paseo marítimo con Cee.

Namentres, o BNG afirma que seguirá cos trámites anunciados en contra do proxecto, e levará a Bruselas por medio da nosa representante Ana Miranda este asunto, polos incumplimentos da normativa europea que ten o proxecto do Ministerio de Medio Ambiente, do Mar e do Medio Rural.

Nota de prensa do BNG de Corcubión

O BNG INSTA AO ALCALDE A INFORMAR AO POBO COA VERDADE SOBRE O PROXECTO DA PRAIA ARTIFICIAL

Logo das últimas declaracións do Alcalde, nas que afirmaba que ía ir porta por porta, a preguntarlle aos veciños si estaban de acordo co proxecto de facer unha nova praia no malecón de Corcubión, o BNG solicita ao Alcalde que ofreza toda esa información que supostamente ten e que valida o mencionado proxecto. O portavoz municipal, Oscar Insua declarou que : ”é necesario que a xente estea totalmente informada, para que poida adoptar unha decisión independiente, xusta, transparente e non coaccionada. O Alcalde debería dar esa información a todos os veciños de Corcubión, organizando charlas, conferencias etc..onde poidan opinar todolos sectores, os que defenden o proxecto, e os que non queren a praia artificial. Así como poñer a disposición dos veciños a información oficial da obra, tanto o proxecto como o expediente con todolos informes”.

O BNG dende o primeiro momento, propuxo varias alternativas ao proxecto que a día de hoxe non se debatiron nunha mesa, como a reforma da praia de santa Isabel, a ampliación da praia de Quenxe, ou o remate da unión do paseo marítimo con Cee. Neste senso, Oscar Insua dixo que “Costas tenos acostumbrados a comezar as cousas e non acabalas, o paseo marítimo está sen rematar na súa unión con Cee, non sei a que esperan a facelo, porque aí estamos todos de acordo. Dixeron que ían facer unha senda natural dende Quenxe ata Estorde, por toda a península de Redonda,e non se fixo nada. E agora queren facer unha praia co beneplácito exclusivo do Alcalde, ¿para que? para deixala a medias tamén, ou para que solo cobren as empresas redactoras dos proxectos e informes. De todos modos, felicitamos a Costas por ratificar o que se nos dixo no seu momento e que o alcalde negou, que a obra non se fará se hai oposición na vila”.

Respecto a comisión que pretende organizar o Alcalde para ir porta por porta, foi unha pena que non se constituira o ano que deixaron a Corcubión sen festa das Mercedes. O BNG considera que este tipo de actuacións están encamiñadas a coaccionar aos veciños, e usurpar a vontade e a opinión dos mesmos, como se facía en tempos pasados aos que non queremos voltar. O BNG solicítalle ao Alcalde que recapacite de novo, que sexa razonable, que non engane á xente, e que poña ao alcance dos veciños toda a información mediante actos públicos e papel oficial.

Namentres, o BNG seguirá cos trámites anunciados en contra do proxecto, e levará a Bruselas por medio da nosa representante Ana Miranda este asunto, polos incumplimentos da normativa europea que ten o proxecto do Ministerio de Medio Ambiente, do Mar e do Medio Rural.

Máis información

• nonapraia.tk.
• Proxecto completo da rexeneración do areal central de Corcubión.

Novas relacionadas

• Cruce de declaracións entre o alcalde de Corcubión e o Colectivo en Defensa da Ría.
• Costas afirma que non levará a cabo a nova praia se hai oposición do pobo.
• O PP de Corcubión lamenta que o alcalde pida a opinión do pobo "demasiado tarde".
• O pobo decidirá se quere a nova praia de Corcubión.
• PX considera un "despilfarro" o proxecto da praia de Corcubión.
• O PP levará a cabo unha iniciativa parlamentaria contra o proxecto da praia de Corcubió.
• Greenpeace estivo Corcubión.
• O BNG denuncia intereses particulares do alcalde no proxecto da praia.
• Gema Freire pide respeto e coidados para a praia de Quenxe.
• O Colectivo en Defensa da Ría desmárcase de cores políticas e pide información para o pobo.
• O Colectivo en Defensa da Ría de Corcubión pregúntalle a Costas.
• O areal da discordia.
• Rexenerando dúbidas.

Máis novas

• Verdegaia contra a rexeneración da praia de Corcubión.
• ADEGA presenta alegacións contra o proxecto de rexeneración da praia de Corcubión.
• PX envía un informe en contra dos proxectos de rexeneración de praias.
• Análise do proxecto da piscifactoría no Cabo C: Por que ninguén fala da piscifactoría do Cabo C?.
• O pobo de Seiruga consigue evitar a extracción de áridos da zona.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Nota de prensa do BNG de Corcubión.