O outono xa chegou e as citas culturais van reducíndose. É agora o teatro quen toma o relevo das festas, e son moitas as representacións que se farán ao longo desta fin de semana na Costa. Ademais, salientamos a iniciativa cabanesa de recuperar o Salón Social. Esta fin de semana toca baile en Silvarredonda.

Cabana recupera os salóns sociais

Este domingo 18 de outubro, o local social da parroquia cabanesa de Silvarredonda, convertirase de novo nun daqueles vellos salóns do rural. A partir das 18:00 da tarde comezarán as actividades, xoa proxección audiovisual "Os salóns de baile en Cabana de Bergantiños".

De seguido, e para poñer en práctica o aprendido, teremos sesión de Baile de Salón con "Quen (Mos) Queira". E non faltará a regueifa, da man de 3 dos 4 regueifeiros da zona aínda en activo: Suso de Xornes, Fermín da Feira Nova e Guillermo da Rabadeira.

Para completar a cita, poderase disfrutar da exposición fotográfica itinerrrante "Os salóns de baile en Cabana de Bergantiños"

• Doce domingos recuperando o patrimonio musical nos salóns do rural de Cabana.

Charlas técnicas e degustación sobre o Porco Celta en Corcubión

Este sábado, 17 de outubro, ás 20.30 horas na Casa de Cultura de Corcubión, terá lugar unhas charlas técnicas sobre a produción e rendabilidade do Porco Celta. A sesión está organizada pola Asociación de Amigos do Porco Celta da Costa da Morte.

E como non podía ser doutro xeito, as charlas vense acompañadas dunha degustación gratuita de produtos de porco celta ao final das charlas.

• Charlas técnicas e degustación sobre o Porco Celta en Corcubión.

Volta o blues ao Ézaro

E quen se non. Os Bakin´Blues volven ao Praoa do Ézaro, igual que o fixeran no pasado San Xoán, para traer o mellor blues do país á Costa.

A cita será este venres 16 de outubro de 2009, no Praia do Ézaro, ese local que tenta convertiirse en referente musical da bisbarra.

• Volta o blues ao Ézaro.

Talía Teatro en Vimianzo

Este domingo 18 de outubro, o Auditoria da Casa da Cultura de Vimianzo acolle a representación da obra de Talía Teatro "Palabras encadeadas". Cómpre non perdela.

• Programación Cultural do Outono de Vimianzo.
• éxiTO TOTAL TALía.

Badius Teatro achégase a Brantuas

Volta o grupo de teatro Badius á escena, e o fai coa súa última obra, que vai mellor que nunca nestes eternos tempos de crise. "Bancagare, sucursal nº13" é unha dura sátira sobre o que sería unha suposta "Banca Galega Reunificada", cansada de roubar e xa non mexar, cagar por riba de nós.

Esta semana actuarán en Brantuas, o sábado 17 de outubro as 21:00h.

• A Bancagare de Badius Teatro paséase pola Costa.

Teatro afeccionado en Laxe

Este venres día 16 ás 21:00 horas no Salón de Actos, a propia Escola Municipal de Teatro de Laxe, co espectáculo "Terra de Ninguén", no que actuarán os alumnos e alumnas do ano anterior cuias idades van dende os 10 aos 40 anos, sendo esta unha actividade na que a convivencia entre xeracións presenta un punto moi positivo ao seu desenvolvimento.

• O Teatro Afeccionado toma Laxe.

Teatro de ningures en Cee

Este sábado 17 de outubro no Outono Cultural contaremos coa compañía Teatro de Ningures e o seu novo espectáculo

Será. coma sempre ás 20.30 horas no Salón de Actos do Concello. Entradas a 2.5 e 1.5 euros.

• Teatro de Ningures traslada Cee ao século XVII.

Presentación da novela Escapado de Luis Lamela en Corcubión

A novela "Escapado. Do monte do Pindo ao exilio pasando pola illa de San Simón" será presentada en Corcubión. O acto, organizado pola concellaría de Cultura e Deportes do Concello, contará coa participación do alcalde Francisco Javier Lema Fuentes e o autor Luis Lamela, e terá lugar o vernes, día 16 de outubro na Casa de Cultura, ás 20:00h.

• Luis Lamela tamén Escapa por Corcubión.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).