Outono da Lingua en Cerqueda O concello malpicán prepárase para a festa do Outono da lingua en Cerqueda. Da man das asociacións Monte d’Arxa (de Cerqueda, Malpica) e Monte Branco (do Couto, Ponteceso), a festa do Outono da Lingua deste domingo servirá para homenaxear ao regueifeiro Celestrino, para facer un magosto e unha macro-regueifa. A cita será o vindeiro domingo día 25 de outubro no local sociocultural das Pozacas. VI Festival de Corais de Outono de Malpica Esta sábado, 24 de outubro de 2009, o Auditorio do Centro Cívico acollerá a partir das 20:00 h. o VI FEstival de Corais de Outono de Malpica. A organización corre a cargo da A.C. A Tralla, A.P.R. O fieital, A.M.R.A Mar da Illa, do Concello de Malpica e mais da Deputación Provincial da Coruña. As corais participantes serán o Coro de Oleiros, Coro da S. C. A Traiña de Cariño e Coral de Malpica. Manolo Escobar en Cerqueda E para completar a fin de semana malpicán, o sábado pola noite hai concerto da man, nada menos, que de Manolo Escobar. O fará no Resturante Aldeloa, xunto a Los Trovadores. Recuperando os Salóns Socias das parroquias de Cabana Este domingo 25 de outubro toca recuperar o Local da Medoña, na parroquia de Anos e mais no Local Social de Cundíns. As citas estarán amenizadas polo Grupo de Danza e Danza Tradicional Arume de Verdillo e polos Gaiteiros de Anos. Teatro del Andamio en Cee A compañía Teatro del Andamio chega a Cee coas súas "Pingueiras e tarteiras". A cita é o sábado ás 20:00h, no Salón de Actos do Concello, co entradas a 2,5 euros e 1,5 para nenos e pensionistas. Máis Teatro del Andamio en Vimianzo O domingo repite a compañía, pero para representar a obra "A Preguiza". Será no Auditorio da Casa de Cultura de Vimianzo, ás 20:00h. Comedia Bífica no Mota de Laxe Segunda cita da Mostra de Teatro Afeccionado de Laxe. Este sábado 24 outubro, ás 18:00 horas achégase a Laxe a compañía Ateaco (A Coruña), coa obra Comedia Bífida. Teatro clown en Sardiñeiro
Este sábado 24 de outubro de 2009, a Casa da Cultura de Sardiñeiro acolle ás 19:00h a actuación da compañía "Os sete magníficos + 1". A obra representada será "2 pallasos en apuros". A cita está organizada polo Departamento de Cultura do Concello Fisterrán. As verdadeiras protagonistas desta produción clown son a tolemia e a improvisación que despregan no escenario os dous protagonistas. Dende o seu rompedor inicio, sucédense as situacións máis ridículas e divertidas na procura da gargallada do público. Festa da Paella Fisterrá Ademais, as citas en Fisterra continúan o propio sábado 24 de outubro ás 21:30h coa tradicional Festa da Paellá Fisterrá que organiza o Casino. O prezo para comer será de 5€ e terá lugar no local social da entidade e logo haberá un animado baile. Marcha Mundial pola Paz e a Non Violencia dende Fisterra O domingo, 25 de outubro ás 9:00 no Faro de Fisterra comeza a Ruta galego-portuguesa desta Marcha pola Paz. Unha ruta polos países galego portugueses coa Paz como bandeira. Xornada micolóxica en Coristanco O Centro EFA Fonteboa, en Coristanco, da man da Asociación Deportivo-Cultural "Ponte Lubián", organiza as 2ª Xornadas de Micoloxía en Coristanco. A cita será os días 23 e 24 de outubro. O venres toca charla, e que mellor poñente, que o o coñecido José Manuel Marcote, da Asociación "Pan de Raposo", un dos mellores especialistas de toda a península que será en breve colaborador deste diario. Para o sábado toca saída, dende ás 10:00h, e a partir da 13:00, selección das mellores e a xantar!! Fonte - Redacción de QPC (
Este enderezo de correo-e está protexido contra spam bots, necesitas ter o Javascript activado para podelo ver
).
|
Semente RSS