A Escola Municipal de Zas comenza de novo a súa andaina (e xa van tres cursos) a partir do vindeiro sábado 7 de novembro.

Como os anos anteriores será Badius Teatro a encargada de desenvolver as clases. Os monitores responsables da escola son os mesmos actores de Badius Marco A. Alvarez e Pablo Soto alias "Pibe".

Este ano haberá dous grupos duns 25 nenos de entre 6 e 12 anos, e hai mesmo algún de 5 e algún de 13. As clases distribúense por grupos, un en Baio e outro en Zas. En Baio, as clases serán os sábados de 12:30 a 14:00 hrs. no salon de actos do Polideportivo. O outro grupo praticará no salon de actos do Concello de Zas, tódolos sábados de 15:30 a 17:00 hrs., ate o mes de xuño do 2010.

E para pechar o curso xa están pensando nas dúas clausuras que realizarán, unha en Baio e outra en Zas. 

Máis información e inscrición

Para consultar máis información e para formalizar as inscricións poden chamar ao télefono de contacto: 981 75 13 98.

Actuación en Mazaricos

Xa fixou unha nova data o grupo de teatro Badius na súa xira pola Costa, para este outono. A cita será na Picota, Mazaricos, o vindeiro domingo 8 de novembro coa obra "Bancagare, sucursal nº13.

Novas relacionadas

• A Bancagare de Badius Teatro paséase pola Costa.
• O teatro baiés gaña dous premios no Certame de Intercentros.
• O Teatro Afeccionado toma Laxe.
• O Programa de actividades de Zas mestura tradición e creatividade .
• Hoxe comeza a Campaña de Animación á Lectura en Zas.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).