Alejandro Lamas, Jan ou o corcubionés do cubo, contóunos un pouco que tal foi a competición de Bruselas na que sacou unha medalla como mellor marca española cun incrible 14,22seg na proba do cubo clásico. Non quixemos recortar nadiña, así que as súas verbas falan por si soas.

Jan fala

Xa estamos aquí de volta, tras un fin de semana intenso. A verdade é que o Campionato foi incrible, e superou tódalas espectativas. Está claro que era un Campionato do Mundo, posto que alí se xuntaron os cuberos mais rápidos que vin xamais.

A competición durou dende o venres 5 ata o domingo 7, cuns apretados e intensos horarios debido a gran cantidade de modalidades existentes e o alto número de participantes (case 300 de 35 paises).

A miña actuación foi discreta, pero salvada por unha marca de 14.22 segundos na categoría principal (a do cubo de toda a vida). Esta marca permitiume subir ó podio a recoller a medalla da mellor marca española, unha grata sorpresa que sinceiramente non agardaba acadar.

Bo ambiente na concentración

Da relación coa xente, destacar a gran cordialidade que existía entre todo o mundo, tódolos participantes eran accesibles, e podías compartir con eles técnicas, trucos e conversa. Fora de campionato, nos encontros que se organizaron, era incrible ver as habilidades sobrehumanas que tiñan algúns dos partipantes.

Na fotos (nas que podemos ver a Jan na dereita en ambas) amosamos as dúas medallas acadadas (Ernesto Fernández como campión do "clock" e eu como mellor marca española no cubo) e outra do equipo español con Erno Rubik, que estivo presidindo a ceremonia de entrega de premios.

Hoxe xa se atopa en Enidhoven participando no Open Internacional de Holanda

O xoves pasado xa partiron cara a Eindhoven, onde durante os días 13 e 14 se disputa o Open Internacional de Holanda.

Novas relacionadas

• O corcubionés do cubo de Rubik participa en Budapest no Campionato do Mundo.

Fonte

• Nota informativa de Alejandro Lamas.