IX Xornadas Micolóxicas da Costa da Morte

Pan de Raposo xa está a preparar os coguemlos para estas IX Xornadas Micolóxicas da Costa da Morte, que se celebrarán os vindeiros sábado 31 de outubro e domingo 1 de novembro na Escola de Música de Cee. Haberá exposición, charlas e saídas guiadas.

• Os cogumelos toman a Escola de Música.
• Pan de Raposo prepara as IX Xornadas Micolóxicas da Costa da Morte.

XIX Feira das Fabas

A tradicional Festa das Fabas de Ponteceso celebrarase este sábado 31 de outubro no Campo da Feira na Trabe. o acto gastronómico súmase unha oferta cultural paralela, coa actuación da Banda de Música "Eduardo Pondal.

• Ponteceso prepara o estómago para a XIX Feira das Fabas.

Festa infantil e magosto en lires

Este vindeiro sábado 31 de outubro e ás 16:30h da tarde, a Asociación Cultural Pedras Miúdas de Lires, realizará un magosto xunto con unha festa infantil na escola de Lires.

Haberá castañas, refrescos e unha degustación de licores. Ao mesmo tempo os máis pequenos poderán disfrutar dunha festa infantil coa animación do dúo de paiasos "Colorín e colorete, para pasalo de rechupete".

• O primeiro magosto celébrase en Lires.

II Maratón Fotográfico Ambiental de Vimianzo

A cita se desenvolverá o vindeiro sábado 31 de outubro de 2009. A saída será ás 09.30 h diante do concello e o percorrido, de 11 quilómetros pasará por Vimianzo, Campo da Areosa, Castrobuxán e Pasarela, para rematar de novo en Vimianzo. Aínda tedes o día de hoxe para apuntarvos.

• Últimos días para inscribirse no II Maratón Fotográfico de Vimianzo.
• II Maratón Fotográfico Ambiental de Vimianzo.

Baile en Cabana

A cita para recuperar o salón de baile da Medoña aprazouse a semana pasada e queda para este venres 30 de outubro. A partir das 20.30 h., coa presenza do Alcalde de Cabana de Bergantiños, inauguraranse a obras de reforma do local social da Medoña e desenvolverase a sesión de bailes de salón dedicada a esta parroquia. Realizarase o pase audiovisual e actuarán as cantareiras da Asociación O Fol de Neaño. Como peche, convidarase ós asistentes a torta de mazá e viño doce.

• Intensa fin de semana en Cabana para pechar outubr.

Halloween en Ponteceso

Este sábado 31 de outubro, os locais nocturnos de Ponteceso preparan unha noite terrorífica. Os locais estarán ambientados e premiarán a todo aquel que vaia disfrazado.

Malasombra en Cee




Este vindeiro sábado 31 de outubro, o Salón de Actos do Concello de Cee, acolle ás 20.00 h a obra de Malasombra Producións, "O día do pai". A representación será unha das últimas citas co teatro no Programa do Outono Cultural de Cee, que continuará en novembro con moita música.

A sesión custa, como sempre, 2,5 euros e 1,5 € para nenos e pensionistas.

• Malasombra celebra en Cee "O día do pai".

Surf en Lariño

Esta fin de semana ten lugar a 2ª Proba do Circuito Galego de Bodyboard en Lariño (Carnota).

• Nova data para o Campionato de Lariño sen a Federación pero con premios.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).