|
Cruce de declaracións esta fin de semana arredor do Parador de Muxía. A semana pasada, dende o PSOE criticaban a a falta de partida orzamentaria da Xunta para o proxecto, mentres que dende a Xunta culpan a Turespaña de ter paralizado o proxecto por serias dúbidas sobre a legalidade do concurso de ideas. Vemos na imaxe o proxecto de Penela. Esta fin de semana continuaron as acusacións e dende o Ministerio de Industria, Turismo y Comercio afirmaron que o proxecto está parado á espera da firma, coa Xunta, do convenio de cesión do concurso de ideas, que está sendo estudiado por organismos xurídicos, decisión tomada polo actual goberno da Xunta. O Partido Popular de Galicia sae tamén á voz pública reclamando ao estado 2 millóns de euros para o parador e esixe a Turespaña que deixe de "buscar escusas" e impulse este proxecto. Así llo fixo chegar a deputada popular, Belén Do Campo, ao Congreso dos Deputados, que considera "lamentable" a falta de compromiso do PSOE co parador. Con todo, o director de Turespaña, Antonio Bernabé, reuniuse o pasado venres co alcalde de Muxía, Félix Porto (PSDEG), a quen garantiu que mantén o seu compromiso para sacar adiante o proxecto e que priorizará a construción de devandita infraestrutura. Ademais, afirmou que o goberno central investirá 20 millóns de euros, e que as obras comezarán no 2011. Novas relacionadas Fonte
|
Semente RSS