O pasado sábado 31 de outubro a Coral Xan Mella de Baio-Zas participou, por cuarto ano consecutivo, no Certame En Clave Coral, que organiza a Federación coral galega e a Xunta de Galicia. A Coral viaxou a Campañó (Pontevedra) e compartiu cartel coa Coral polifónica Baiona La Real e a coral anfitriona Airiños de Campañó.

A coral que dirixe Tatiana Pankrátova preparou un programa variado de polifonía litúrxica, cancións galegas e habaneras e foi moi aplaudida sobre todo nas interpretacións de "Lela" e de "Ave María no Morro". Precisamente podemos ver o tema Lela:

• Youtube: "Lela" pola Coral Xan Mella de Baio.

Vindeira cita fora das fronteiras

Agora a Coral baiesa prepara a cita da vindeira fin de semana (7 e 8 de novembro), a primeira saída internacional, que se producirá a terras portuguesas, a Paços de Ferreira, para participar no XXV aniversario do Orfeón local.

Pero non pararán aí, e continuarán coas actuacións ata finais de ano.

Novas relacionadas

• A Coral que viste de liño.

Fonte

• Blog da Coral Xan Mella de Baio.