|
Onte, día 12 de novembro, na Casa do Concello de Zas, tivo lugar unha xornada informativa dirixida ós axentes de emprego e desenvolvemento local das Comarcas de Terra de Soneira, Xallas, Fisterra e Carnota-Muros e representantes da Asociación “Finisterrae” de profesionais do desenvolvemento local (AFIPRODEL). Nesta xornada, impartida por Anabel Piñeiro e Daniel Oca, directora e técnico da Unidade de Promoción e Desenvolvemento do Pacto de Emprego da Costa da Morte, informouse sobre as axudas para a reindustrialización publicadas polo Ministerio de Industria, Turismo e Comercio. O prazo remata o 3 de decembro Nesta convocatoria cuxo prazo remata o 3 de decembro de 2009, poderán presentarse proxectos de concellos e entidades, para execución de infraestructuras básicas (polígonos industriais, centros de empresas, infraestructuras loxísticas etc) e de proxectos de empresas que teñan carácter industrial (compra de maquinaria, terrenos, edificaciones, equipos, instalaciones ...). As empresas privados poden acceder a préstamos reembolsables ata un máximo do 50% do presuposto financiable, ó 0% de interese. Estas axudas son compatibles hasta un 25% da inversión, con outras doutros organismos públicos. Nesta xuntanza tamén se informou sobre as liñas do IGAPE ás que estos proxectos poderían acollerse. Os representantes de AFIPRODEL, organizadores destas xornadas, valoraron moi positivamente estas axudas e animan ó empresariado a empregar esta ferramenta de financiamento, que se bien o prazo para este ano é moi axustado, poden ir preparando os proxectos para presentar na vindeira convocatoria do 2010. Máis información Todas as persoas que desexen información, poden acudir ós axentes de desenvolvemto local dos concellos da Costa da Morte, e as páxinas web do Ministerio de Industria, Turismo y Comercio, UPD Pacto de Emprego, e AFIPRODEL. Novas relacionadas Máis novas Fonte
|
Semente RSS