Continúa a IV Mostra de Teatro de Malpica. Este venres día 27 de novembro será a importante compañía Lagarta Lagarta a que represente a obra "Aeroplanos". Unha obra sinxela pero tremenadamente emotiva, con dous grandes do panorama cultural galego: con Ernesto Chao e Manuel Olveira (Pico).

Aeroplanos é ante todo unha comedia, pero unha gran comedia. Carlos Gorostiza, o creador, está considerado como o autor teatral arxentino máis importante do último século, e Aeroplanos, un dos seus últimos textos, como unha das súas mellores obras.

Sinopse

Dous homes, amigos dende a infancia, quedan viuvos cunha diferenza moi curta no tempo. A partir dese momento a súa amizade vese reforzada chegando a ser imprencindible o un para o outro. Pero como en todo bo “matrimonio” as diferenzas de opinión e as discusións son constantes. As pelexas, o amor, a lealdade, a xenerosidade, o compañeirismo, os risos e as bágoas forman parte desta relación que consegue momentos hilarantes pero tamén cheos dunha grande tenrura e emoción.

Segue aberta a exposición

Esta fin de semana ademais aínda está aberta a exposición Crónicas da Represión da Lingua, que pretende recuperar as vivencias das persoas que viviron os tráxicos sucesos do levantamento fascista.

A exposición está aberta igualmente no Centro Sociocultural de Zas.

Novas relacionadas

• Zas e Malpica repasan a Represión da Lingua.
• Malpica entrega os premios máis quentes.
• Un libro a Celestrino.
• Rafael Lema aborda a Ponte do Porto.

Fonte

• Concello de Malpica.