Aproveitando, por un lado tempo de Nadal e por outro estes momentos de crise económica que sempre imflúen con maior dureza ás persoas cun nivel socioeconómico máis precario, dende o Concello de Laxe, lanza a campaña de Recollida de xoguetes chamada "Xogamos? xogar é un dereito, non un privilexio". Doble boa idea a de Laxe, que fomenta a solidariedade e a reciclaxe.

Á hora de colaborar nesta iniciativa, dende a concellería de Cultura de Laxe propoñen que sexan os nenos e nenas os que escollan o xoguete que queren regalar e acompañen aos pais e nais á súa entrega, pois entregar un xoguete non consiste en dar caridade, baleirar armarios ou reciclar argalladas que molestan na casa, trátase de poñer un pouco de xustiza e ofrecer solidariedade e xenerosidade gratuíta.

Consellos para entregar un xoguete

• O Concello de Laxe recollerá xoguetes e libros usados ou esquecidos que estean en bo estado, ou material escolar, para darlles mellor destino que o caldeiro do lixo ou o faiado.
• Non eléctricos. Evitar, na medida do posible, doar xoguetes eléctricos, pois é probable que os seus destinatarios non poidan volver a xogar con eles unha vez se acaben as pilas.
• Educativo: Debe potenciar as capacidades do neno e nena. Un xoguete constitúe unha ferramenta de desenvolvemento básica da intelixencia e sensibilidade dos máis pequenos.

Como entregar os xoguetes?

Os puntos de recollida do Concello de Laxe, van a estar situados en:

• Na casa do Concello;
• No C.P.I. Cabo da Area;
• Na Escola Unitaria de A Torre;
• Na Escola Unitaria de Traba;
• Na Carpa do Concello o día da Cabalgata de Reis;

Máís detalles

• Durante o mes de decembro e ata o 5 de xaneiro, poderanse depositar os xoguetes nos puntos de recollida.
• Convén entregar os xoguetes sen envolver, xa que teñen que ser clasificados por idades antes de ser empaquetados.
• Ás veces, cométese o erro de entregar xoguetes para idades entre os 4 e os 10 anos, sen embargo dende as organizacións que reparten os xoguetes insisten na necesidade de contemplar dende os bebés ata rapaces e rapazas de ata 16 anos.

Como chegan os xoguetes aos nenos e nenas?

Unha vez rematada a campaña de recollida de xoguetes, o Concello de Laxe entregaralle os xoguetes á ONGD Ecodesarrollo Gaia, onde os voluntarios seleccionarán os xoguetes que aínda se poden utilizar e os clasificarán por idades. Unha vez clasificados comeza a entrega.

Ecodesarrollo Gaia é unha organización non gobernamental para o desenvolvemento sostible nada en 1992 ao amparo da Conferencia das Nacións Unidas. Leva a cabo un amplo traballo con  Inmigrantes e Ecorefuxiados/as de mediación social, laboral e cultural. Na actualidade, desenvolve un proxecto internacional de ecodesenvolvemento dende a cidade de A Coruña.

Novas relacionadas

• Unha vida no mar.
• A mocidade de Laxe aprende a sobrevivir en tempos de crise.
• Polo Nadal, un fogar para dúas camadas de cadeliños.
• A Semana da Ciencia de Laxe crea un novo Punto Ecolóxico.

Fonte

• Nota de prensa da Concellería de Cultura do Concello de Laxe.