A Área de Igualdade do Concello de Camariñas continúa co seu grande traballo de concienciación no seo da poboación camariñá. Xa o pasado 25 de novembro, Día Internacional contra a Violencia de Xénero, desenvolvía a iniciativa máís novedosa da zona cunha intervención visual na rúa, chamada O Fermento do Silencio. Esta era só unha das partes do completo Plan de Igualdade (descargar en [pdf]) que está a artellar o concello fisterrán, e xa se pode ver o resultado na exposición.

Os premiados

Estes son os premiados deste II Maratón Fotográfico Implícate:

• O primeiro premio a mellor serie fotográfica: José I. del Moral Rodríguez.
• Segunda mellor serie fotográfica: Lucía Cao Martínez.
• Premio especial a mellor fotografía feita por un home na temática da Corresponsabilidade: Marcos Rodríguez.

Algún vello coñecido por Camariñas xa que tanto Lucía Cao como Marcos Rodríguez saíron gañadores na primeira edición do Maratón.

A exposición

A exposición, con imaxes dos máis dos 50 participantes cazadas o día do Maratón, xa está aberta no Local da Marina en Camariñas dende o día 28 de novembro. Estará aberta ata ata o 13 de decembro, de 11:00 a 14:00h. e de 17:00 a 20:00h..

Un monólogo pola igualdade

A “Casa de Pedra” acolleu a representación teatral dun monólogo en contra dos malos. Foi a compañía Dequenquen que realizou o monólogo, sobre o que as xentes que acodiron quedaron encatados e riron e se entristeceron por igual, con estatraxicomedia que nos leva pola crueldade dalgunhas vidas moi reais.

Plan de Igualdade

Como nos conta Patricia Vaquero, a Técnica de Igualdade do Concello de Camariñas, o "Plan de Igualdade é unha arma de traballo metodolóxica necesaria para traballar dende a Área de Igualdade". Nese sentido, Patricia cóntanos como unha casa comeza polos cimentos: "Antes de comezar a traballar pola Igualdade de oportunidades entre mulleres e homes e na loita contra a violencia de  xénero, temos que analizar a sociedade na que vivimos e na que queremos incidir.", explica Vaquero.

O Plan continúa tras "coñecer as mentalidades da poboación, en que punto nos encontramos, o impacto de xénero que tiveron as iniciativas que se fixeron ata o momento… en fin con todo isto foi como se chegou o documento final que está na páxina web e que en breve editaremos para a súa posterior distribución e publicidade".

Máis información

• Camarinas.net: Plan de Igualdade [pdf].

Novas relacionadas

• Camariñas Implícase con exposición e monólogo.
• Camariñas loita contra o Fermento do silencio.
• Camariñas apúntase aos obradoiros de igualdade.
• As placeiras de Camariñas participan na remodelación do Mercado.
• II Concurso de Carteis: Un cartel contra os Malos Tratos .
• I Maratón Fotográfico Implícate: As fotografías da non violencia.

Fonte

• Nota de prensa da Concellería de Servizos Sociais, Igualdade e Saúde, da man de Patricia Vaquero, Téc. Igualdade do Concello de Camariñas.
• Fotografía do grupo de Marcos Rodríguez.