Xa ten artellado o Departamento de Cultura do Concello de Fisterra o Programa Cultural do Nadal. Un programa que parte co lema "Este Nadal Desfruta" e que xa comeza esta semana.

IV Mostra de Artesanía

O Faro Fisterra acollerá esta fin de semana de ponte a mostra, pero xa coñeceremos a proposta con máis calma esta semana.

Obradoiros de nadal

Unha das clásicas citas culturais do nadal son os obradoiros. O venres 11 levarase a cabo no Salón de Plenos a partir das 17:00h un obradoiro de elaboración dun centro de flores secas.

Tamén hai para o venres 18 de decembro outro obradoiro, este para elaborar un tapete de nadal.

Títeres

Os títeres de Barballocas estarán o sábado 12 de decembro ás 19:00h na Casa da Cultura de Sardiñeiro.

Bingo popular

Os maiores poderán desfrutar dunha chocolatada, con mazapáns, pastas, e partidas de bingo, cartas... Será o domingo 13 a partir das 18:00h na Casa da Cultura de Sardiñeiro (inscrición no concello ou no 981 74 00 01).

Festa do Nadal

A gran cita será o domingo 20 a partir das 18:00 no Pavillón Municipal. O invitado esecial será nada menos que Papá Noel.

Noiteboa

Títeres antes da cea. Ás 18:00 no Salón de Plenos, "Tolo conto de Nadal".

Concerto de Nadal

O día 25, panxoliñas na Capela do Bo Suceso ás 20:00h

Preparando as cartas aos Reis

Os días luns 28 e e mércores 30 os pequenos poderán aprender a elaborar as cartas aos reis magos. A partir das 17:00h na aula de informática (inscrición ante do día 23 no concello ou no 981 74 00 01).

Cabalgata de Reis

A última cita terá lugar o martes 5 de xaneiro coa tradicional cabalgata. Pola mañá percorrerá as aldeas co concello. Pola tardiña, partirá ás 16:30h de Sardiñeiro e pasará a desfilar polas rúas do centro (se hai mal tempo, todo se lecebrará no pavillón).

Novas relacionadas

• Un magosto en homenaxe aos bosques perdidos.
• Os cativos de Fisterra preparan a postal de Nadal.
• Fisterra elixe obradoiros.
• A merecida homenaxe ao "Bonito".

Fonte

• Nota de prensa do Deàrtamento de Cutlura do Concello de Fisterra.