Xa estamos no Nadal, e se coñecimos xa o programa fisterrán; hoxe toca repasar o de Laxe. Un Nadal, o de Laxe, que vén marcado pola campaña de reciclaxe de xoguetes "Xogamos? xogar é un dereito, non un privilexio, que está a desenvolver a Concellería de Benestar Social, Cultura, e Protección Civil do Concello laxense.

Pero as actividades darán comezo este sábado 5 de decembro, pensando nos máis pequenos. Para adultos comezarán o luns 14, e continuará mércores 16 e venres 18,  onde os participantes poderán aprender e elaborar centros de mesa, guirnaldas, adornos para a árbore, cartas e sobres… entre outros. Durante os meses de decembro e xaneiro os veciños e veciñas poderán participar e desfrutar das seguintes actividades:

Obradoiros de decoración navideña

Onde, previa inscrición, os participantes poderán aprender e elaborar centros de mesa, guirnaldas, adornos para a árbore, cartas e sobres… entreoutros. Os obradoiros ofreceranse tanto para nenos, os sábados 5, 12 e 19, e adultos o luns 14, mércores e venres 16.

Xa está aberto o prazo de inscrición. Para inscribirse poderase facer ben: acudindo ás oficinas de cultura e/ou chamando por teléfono ao 981 706 903.

Concerto de panxoliñas

Será o domingo 27 de decembro no salón de actos, ás 19:00 hora. Sesión cantada de panxoliñas. A actividade neste caso é de carácter gratuíto e aberta a todos os públicos.

Saída ao cine a Carballo

O mércores 30 de decembro para visualizar unha das últimas estreas deste Nadal. Neste caso, a actividade tamén será aberta a todo o público, debendo correr este cos gastos da entrada.

Cabalgata de Reis

As Maxestades de Oriente visitarán o noso concello o domingo 3 de xaneiro, dada a súa atarefada axenda nestas datas. Sairán de Mórdomo ás 15.30 e despois de percorre-las parroquias do Concello chegarán á carpa situada na Praza dos Voluntarios. Alí baixarán das súas carrozas, repartirán caramelos e saudarán ós nenos e nenas que se acheguen a velos.

Festa Infantil

Na Praza dos Voluntarios o martes 5 de decembro. Co motivo de celebrar a chegada das Maxestades do Oriente, neste día, a partir das 17 horas, os máis pequenos poderán vivir unha tarde de festa na que atoparán hinchables, música, baile, xogos, chocolate quente e ata unha vídeo-conferencia cos Reis Magos, que, dende o oriente, facendo uso das novas tecnoloxías, comunicaranse con todos os laxenses para que os nenos e nenas poidan falar con eles para resolver todas aquelas inquetudes e dúbidas que lles atañen respecto destas personaxes.

Novas relacionadas

• Reciclando xoguetes para os máis desfavorecidos.
• Polo Nadal, un fogar para dúas camadas de cadeliños.
• Unha vida no mar.
• A Semana da Ciencia de Laxe crea un novo Punto Ecolóxico.
• ÚLtima cita co teatro en Laxe.

Outros programas de Nadal

• Este Nadal desfruta de Fisterra.

Fonte

• Concello de Laxe.