Xa comezou a Campaña de Recollida de xoguetes "Xogamos? xogar é un dereito, non un privilexio". Unha campaña que artella a Concellería de Benestar Social, Cultura, e Protección Civil do Concello de Laxe. Unha concellería que aproveita, por un lado tempo de Nadal e por outro estes momentos de crise económica que sempre inflúen con maior dureza ás persoas cun nivel socioeconómico máis precario.

A idea é recoller os xoguestes que os nosos fillos non usan xa. Así, nunha época de gran consumismo, podemos formar aos nenos e nenas na cultura de non malgastar, e ao mesmo tempo, concienciarnos nós, os adultos sobre o beneficio de reutilizar os recursos.

A Concellería quere que sexan os propios nenos e nenas os que escollan o xoguete que queren regalar e acompañen aos pais e nais á súa entrega, pois entregar un xoguete non consiste en dar caridade, baleirar armarios ou reciclar argalladas que molestan na casa, trátase de poñer un pouco de xustiza e ofrecer solidariedade e xenerosidade gratuíta.

Poden ollar os consellos para a entrega de xoguetes, os puntos de recollida e outros detalles na Campaña de Recollida de xoguetes "Xogamos? xogar é un dereito, non un privilexio".

Novas relacionadas

• Programa de Nadal en Laxe.
• Reciclando xoguetes para os máis desfavorecidos.
• Polo Nadal, un fogar para dúas camadas de cadeliños.
• Unha vida no mar.
• A Semana da Ciencia de Laxe crea un novo Punto Ecolóxico.
• ÚLtima cita co teatro en Laxe.

Fonte

• Concello de Laxe.