A semana pasada coñecíase que o Concello de Carnota tivo que asumir un novo crédito para sufragar gastos. Esta medida non foi ben aceptada pola oposición do BNG, que levou a súa protesta ao pleno carnotán. E como xa pasara en maio (vemo sunha escena daquel día), os membros do BNG foron expulsados da sesión plenaria celebrada o pasado venres 11 de decembro de 2009.

O voceiro do BNG carnotán, Tomás Freire, debatiu a operación de tesourería pola que o Concello subscribirá un novo crédito. O secretario da corporación deu lectura ás propostas de dúas entidades bancarias para subscribir un préstamo. Entón, o portavoz do BNG, Tomás Freire, tomou a palabra: «Quero que todo o público presente na sala saiba que este préstamo é para facer fronte a gastos correntes, non para realizar obras, ou mellorar servizos. Entre o destino do crédito está o pagarlle seis mil euros ao alcalde e tamén o salario do concelleiro Manuel Brea».

Freire salientou que "o motivo primeiro do crédito é poder manter os estratosféricos salarios de políticos e familiares". O rexedor pediu ao nacionalista que retirase as súas acusacións, «falsas e inxuriosas» segundo asegurou, ao que se negou o edil do BNG, tras reafirmarse no dato "duns salarios desorbitados que son públicos e oficiais.

A sesión rematou sen os representantes do BNG na sala.

Novas relacionadas

• O BNG denuncia contratacións a dedo no obradoiro de emprego de Carnota.
• O BNG de Carnota protesta no pleno a boca pechada.
• Cruce de opinións arredor da escola infantil de Carnota.
• O Centro de Saúde Carnota apúntase ao "sintrom" para descentralizar atención.
• A Xunta recuperará a Escola de Música de Carnota e aporta fondos para o centro sociocultural.
• O BNG de Carnota denuncia o "saqueo" dentro do concello.
• A bitácora da semana (XLVI): O blog do BNG de Carnota.

Fonte

• Nota de prensa da Asemblea Local do BNG de Carnota da man de Tomás Freire.