|
Un desgrazado suceso foi obxecto de comentarios nas últimas horas en moitos recunchos da Costa. Un home falecía na mañá de onte, domingo 13 de decembro, ó recibir un disparo mentres estaba de caza nos montes da parroquia de Riobó, en Cabana de Bergantiños. Todo aconteceu minutos antes do mediodía. Javier Suárez Blanco, de 32 anos, estaba á caza do xabarín xunto con outros cazadores cando recibiu un disparo no peito, que lle provocou a morte inmediatamente. Un dos seus compañeiros foi quen deu aviso ao 112 e ata o lugar desprazáronse efectivos de Protección Civil de Cabana e a Garda Civil ademáis dos servizos sanitarios, polos que acudiron unha ambulancia e un helicóptero, pero estes non puideron facer nada máis que certifica-la morte do cazador. Os restos mortais de Javier Suárez Blanco foron trasladados ó Hospital Universitario de A Coruña a primeiras horas da tarde para a práctica da autopsia. A policía xudicial está a investigar arestora as causas da traxedia. Haberá que determinar cal foi a arma da que saíu o disparo que acabou coa vida do falecido. O cazador autor material do disparo foi interrogado pola policía pero xa quedou en liderdade. Cabe salientar que segundo información facilitadas inicialmente por Protección Civil, os cazadores ían á caza do coello, pero segundo puidemos saber dende este diario as municións para a caza de dito animal non adoitan provocar a morte ante un suceso deste tipo. É aquí cando cobra forza a hipótese de que a cuadrilla atopábase a caza do xabarín, algo que a día de hoxe non está permitido. Aquí queda un debuxo paradóxico de Sechu Sende. 
Novas relacionadas Fonte - Fran Lago.
- Diario de Bergantiños.
- Debuxo de Sechu Sende.
|
Semente RSS