|
Varias son as actividades que se desenvolven no Telencentro de Vimianzo este mes de Nadal. I Obradoiro de adornos de Nadal
O pasado venres, desenvolveuse un obraoidor no que participaron un total aproximado de 10 persoas das cales, a maior parte eran alumnos/as do Curso de informática básica. A finalidade deste taller era achegar aos usuarios ás Novas Tecnoloxías da Información, fomentar as redes sociais e, como non, crear un centro de Nadal. 
A coordinadora do programa, Lorena Cernadas, destaca que as alumnas/os amosaron moito interese pola actividade, pois en todo momento mantiveron unha actitude moi participativa, dato que puiden recoller das constantes preguntas que lle facían a ciberprofesora, que se atopaba en carne e oso no Telecentro de Abegondo. O resultado final foi que despois de pintar de dourado e prateado as castañas, as noces, as espigas, as pinas e demais material utilizado, todos/as, incluída eu mesma, quedamos moi satisfeitas co adorno elaborado. Non que queda a mínima dúbida de que durante este Nadal, as casas dos/as alumnos/as participantes están perfectamente decoradas coa súa creación, na que xogou un papel moi importante a creatividade e a habilidade!! 
Papa Noel tamén chega a Vimianzo Os nenos de Vimianzo poderán falar con Papá Noel a través de videoconferencia dende o telecentro de comunicación do concello. O Centro Multimedia de Galicia aproveita estas datas para brindar aos nenos da localidade a oportunidade de manter unha videoconferencia con Papá Noel na que poderán pedirlle os seus regalos. A cita será o próximo xoves ás 12.00 horas. Dende Laponia e en tempo real, Papá Noel atenderá en directo as preguntas e demandas de todos os nenos que se acheguen para falar con el ao telecentro de comunicación do concello. Trátase dunha iniciativa máis da campaña Comunícate coa que o Centro Multimedia de Galicia pretende dar a coñecer todas as posibilidades que ofrecen os telecentros de comunicación. Asociacións e colectivos de todo tipo poden utilizar este telecentro de comunicación para realizar cursos, roldas de prensa, videoconferencias, reunións de traballo, etc… Novas relacionadas Fonte - Servizo de Desenvolvemento Local de Vimianzo, da man de Lorena Cernadas Soto.
|
Semente RSS