Moito traballo están a ter nas últimas horas os membros das agrupacións de Protección Civil da Costa. I é que si o domingo lamentábamos unha traxedia no eido da caza, desta volta hai que falar dunha desaparición.

Unha muller de 92 anos, veciña da parroquia de Nande, en Laxe, está desaparecida dende o pasado sábado, 12 de decembro, segundo información facilitadas por Protección Civil de Laxe. Foi a filla da desaparecida quen deu aviso do acontecido na mañá do sábado, cando ó achegarse ata a súa casa para darlle o almorzo, descubriu que non estaba.

O operativo de búsqueda comezaba no mediodía do sábado e non se interrumpiu ata que caeu a noite do domingo. Neste participaron membros de Protección Civil, axentes da Garda Civil, e algúns veciños. Percorreron as parroquias máis próximas á vivenda da desaparecida, como Soesto, Traba ou Pasarela e rastrexaron os montes da zona pero non atoparon nada polo que se optou por ampliar o dispositivo máis alá do concello laxense. Arestora continúan na procura da muller a Garda Civil e algúns membros de Protección Civil.

Segundo informacións facilitadas por algúns veciños da desaparecida, a relación entre ésta e a súa familia non é moi boa.  

Novas relacionadas

• Tráxico accidente en Cabana nunha xornada de caza.
• Programa de Nadal en Laxe.
• Os Penedos de Traba e Pasarela nun DVD.
• A radiONeria fai vibrar de novo as ondas do mar.

Fonte

• Fran Lago.
• Ángela Devesa, coordinadora da agrupación de Protección Civil de Laxe.
• La Voz de Galicia: La desaparecida de Laxe de 92 años llevaba encima casi 1.500 euros.