Xa vai para un mes dende que aparecían medio centenar de gaivotas mortas na ría de Lires. Efectivos de Medio Rural recollían os cadáveres, e atribiuían a morte a causas naturais dadas as malas condicións metereoloxicas. As gaivotas poderían ter morto por falta de alimentación nos días de temporal.

Con todo, na parroquia ceense hai sospeitas de que a alta mortandade non foi causa unicamente do temporal. A piscifactoría de Lires está no punto de mira, por exemplo, do BNG. Nese sentido, o BNG asegura que "a depuradora de augas residuais non funciona, poida ser este un problema de contaminación na auga o que suporía un problema de saúde pública, debido os numerosos pescadores que alí hai case que a diario".

Así, o propio BNG local presentará unha petición ao goberno local para que interceda ante as autoridades oportunas para averiguar a causa da morte. Dende o BNG sinalan que xa pasou tempo abondo para coñecer as análises dispostas no Centro de recuperación de fauna de Oleiros. Dende Medio Rural afirman que, sen ser os datos definitivos, polo de agora non hai indicios de contaminación.

Depuración

Voltando á posible contaminación das piscifactorías do concello ceense, o BNG pide que "sexa como sexa, que o goberno poña a funcionar dita estación depuradora (así coma as de Ameixenda e Estorde) dunha vez por todas, xa que leva demasiados anos alí sen facer a función para a que se pensou".

Novas relacionadas

• As gaivotas de Lires xa non voan.
• Lires elixe ás "Gaivotas na ría" .
• O BNG protesta polos novos nomes das rúas ceenses .
• Denuncia cunha foto: Os salvaxes somos nós .

Fonte

• Nota de prensa do BNG de Cee.
• La Voz de Galicia: Medio Rural atribuye la reciente mortandad de decenas de gaviotas en Lires a causas naturales.