Onte, xoves 18 de decembro os nenos e nenas do Concello de Carnota tiveron unha visita moi especial. Os Paxes Reais das Nosas Maxestades os Reis Magos de Oriente, fixeron unha fugaz parada na súa apretada axenda para recoller as cartas que os cativos lle escribiron os Reis Magos.

Antes de visitar a todos os rapaces nos seus respectivos colexios, fixeron unha pequeniña parada na casa do concello, onde compartiron unhas risas co alcalde, José Oreiro, como vemos na foto.

De aquí, partiron cara o colexio do Pindo, logo, a escola unitaria do Viso, ó centro de día, a guardería, ó colexio de Carnota, e, por último, a escola unitaria de Lira. Repartiron moitísimos caramelos e, sobre todo, recolleron todas as peticións para a noite do 6 de xaneiro.

Os paxes, ademais de felicitar aos gañadores do concurso de postais, tamén recordaron que as Nosas Maxestades visitarán este concello o día 5, no que esperan que todos asistamos.

Novas relacionadas

 
• Carnota xa ten estrella.
• Carnota prepara un programa de Nadal manual.
• Os venres son lúdicos en li>Programa de Venres lúdicos.
• A biblioteca de todos.
• Carnota enteira aprende informática.
• Un magosto deportivo en Carnota.
• Un pasodoble de gala con Manolo de Fornís.

Fonte

• Nota de prensa do concello de Carnota.