Novas críticas da oposición pontecesá do PSOE contra a alcaldía. O PSOE denuncia agora a falta de criterio nos últimos actos públicos do concello. Entre eles, o aniversario da Fundación Eduardo Pondal (que vemos na imaxe, con Xosé María Varela en primeira instancia). Para o PSOE non se pode entender que non se invitase aos que "fixeron posible a construcción da Fundación Eduardo Pondal (a Xunta do Bipartito coa súa consellería de Traballo, que concedeu o obradoiro, e a Deputación da Coruña, que este ano segue subvencionando as obras de Cospindo)". E valoran de "hipócrita" a invitación única aos "que teñen carnet do PP".

O PSOE tamén criticou o devir do acto. "Poñendo pinchos de empanada e diapositivas dos poucos actos da Fundación, demostrou que quere utilizar esta Fundación como plataforma electoral para perpetuarse no poder. A falta de contido cultural destacouse tamén pola ausencia de escritores no acto de aniversario, o mesmo que sucedeu ó longo do ano coa ausencia de actividades literarias e culturais masivas", denuncia o PSOE.

Agora pregúntase a oposición "vai invitar a Núñez Feijóo a inaugurar o pavillón de Ponteceso, construido cos fondos íntegros do Plan E de Zapatero para 2009?"

Falta de investimento

E ao tempo, o PSOE considera que o "son Alberto Sueiro e José Luis Fondo os que teñen que pedir perdón polo pouco que fixeron pola comarca de Bergantiños, e a proba máis sangrante son os orzamentos da Xunta de 2010".

"Ningunha das enmendas presentadas polo Psdeg-Psoe a favor de Ponteceso", continúa o PSOE, "por un importe cercano ós 2.000.000 de euros, foron aprobada pola maioría do PP".

Así, o Psoe de Ponteceso considera que "todos os Alcaldes deberían esixir un Plan de investimento local por parte da Xunta equiparable ó Plan E".

Novas relacionadas

• Novo cruce de declaracións en Ponteceso entre goberno e oposición.
• O PSOE comarcal critica a redución de orzamento para a Costa.
• O PSOE segue acusando a Fondo Aguiar de malgastar os fondos públicos.
• O alcalde de Ponteceso responde ás acusacións do PSOE.
• O PSOE de Ponteceso quere crear a primeira “aldea inglesa” de Galicia.

Fonte

• Nota de prensa do PSOE de Ponteceso.