Hoxe mércores 23 de decembro de 2009 ás 13:00h, o Concello organiza unha sesión no Salón de Plenos na que pretende informa ao pobo de varios dos seus proxectos. O alcalde exporá a campaña para que os veciñ@s poidan coñecer e recibir de primeira man información dos proxectos en trámite neste concello. Entre eles están o da Realidade Aumentada, que explicaba o pasado luns Jan Lamas, o centro de día, ou o polémico proxecto de rexeneración da praia de Corcubión.

Críticas dende a oposición

Non todo o pobo de Corcubión está conforme con estas xornadas informativas malia demanda continua desta clase de sesións. Dende o o BNG critican que a “campaña institucional” con felicitación de nadal e coas propostas do concello son "unha auténtica falla de sentido da democracia". Para o BNG a campaña baixo o lema “encamiñando o futuro de Corcubión”, se trata de "mera publicidade política". Ademais apunta que un dos temas que vai presentar o concello, o do Centro de Día, foi proposta do seu grupo, non por parte da alcaldía.

"Deslpifarro do alcalde"

E segue o BNG a criticar o quefacer municipal. Comeza coa anulación dunha obra de teatro o pasado sábado, unha obra de Talía Teatro que non foi publicitada polo concello e que tivo que ser suspendida porque só había un neno. Neste sentido, "o BNG non entende que se tiren os cartos deste xeito", en palabras de Oscar Insua.

Novas relacionadas

• A Realidade aumenta en Corcubión.
• O BNG de Corcubión acode ao Valedor e pregunta polas obras do antigo campo de Oliveira.
• Un repaso sustentable á ría de Corcubión.
• O asilo da discordia.

Fonte

• Nota de prensa do BNG de Corcubión.