Nova desgracia na Costa da Morte nestas dramáticas datas do Nadal. Se hai dous dias a estrada cobrábase un par de vidas, a Costa amencía hoxe conmocionada pola perda de Javier Periscal. Periscal, malia a súa xuventude (30 anos), era o Presidente da Asociación de Empresarios de Cee, fillo do xerente de Talleres Periscal.

O accidente de tráfico tivo lugar en Orbellido, Vimianzo, na estrada AC-441 que vai dende A Pereira a Berdoias. O vento puido ser a causa de que o seu Ford Focus se desprazase e chocase contra un poste da luz. Javier, que ía de condutor, faleceu no acto, mentres que a súa irmá saíu ilesa do accidente.

A familia costeira empresarial ponse de luto, pois Javier era ademais directivo da FECOM, dende onde mostran o seu tráxico sentimento.

Luto na Asociación de Empresarios de Cee

Dende a Asociación de Empresarios de Cee, Xunta Directiva e tódolos seus socios queren mostrar a súa máis profunda tristeza pola perda do presidente e amigo Javier Periscal. Así mesmo, queren eloxiar a súa labor feita con ilusión e esmero.

Novas relacionadas

• Unha muller e o seu bebé falecen nun accidente en Vimianzo .
• Novo accidente de tráfico no cruce de Senande.
• Mes e medio pagando por unha autopista cortada <.

Fonte

• Radio Nordés.
• El Correo Gallego: Luto en Costa da Morte tras la muerte en accidente del presidente de los empresarios de Cee.