Xa hai o primeiro implicado no caso da anciana desaparecida durante máis de dúas semanas en Laxe. Gonzalo Ferreira Pose, neto da anciana de 92 anos, logo de ser levado a prisión, recoñecía, no xulgado de Carballo, a súa implicación na morte da súa avoa, Aurora García Suárez.

A anciana desaparecía o pasado día 12, e foi atopada o día 24 de nadal a escasos 50 metros de casa. Unha das causas da morte podería ser o diñeiro, pois a anciana acostumaba a levar unha certa cantidade de cartos sempre enriba. Ese día levaba case que 1.500 euros.

Segundo informa La Voz de Galicia, o neto declarou que a súa única intención era facerse cos cartos da súa avoa, pero que tralo forcexeo, esta caeu e matouse. O seguinte paso foi agochar o cadáver preto dun regato, o que propiciou que non se atopase ata que as subidas polas choivas o descubriron.

Novas relacionadas

• Atopan sen vida o corpo da anciana desaparecida en Laxe.
• Unha anciana desaparecida dende o sábado en Laxe.
• Morre na estrada o Presidente dos Empresarios de Cee.
• Unha muller e o seu bebé falecen nun accidente en Vimianzo.

Fonte

• El juez decreta prisión por homicidio para el nieto de la anciana de que apareció muerta en Laxe (A Coruña).
• La Voz de Galicia: El nieto admite su implicación en la muerte de la anciana de Laxe .