|
A Consellería de Medio Ambiente, Territorio e Infraestruturas vén de licitar a redacción do proxecto de trazado e construción da obra de acceso ao porto de Brens. Segundo a Xunta, "a construción desta infraestrutura conseguirá rebaixar o tráfico polo núcleo urbano de Cee". Queda aberta así a posibilidade de realizar desprazamentos entre Bustelo e Brens sen necesidade de atravesar o núcleo de Cee. Datos - A actuación ten unha lonxitude de 8,91 quilómetros e consta de dous treitos: o primeiro, un corredor de 5,85 km; e o segundo, unha vía para automóbiles de 3,06 km.
- A elaboración da redacción do citado proxecto ten un ivestimento de 527.607 euros.
- O prazo de execución deste contrato é de 15 meses.
Características técnicas A conexión ao porto de Brens realizarase cun vial de nova construción de 8,91 quilómetros de lonxitude que se divide en dous treitos. Por unha parte, o primeiro tramo correspóndese cun corredor comprendido entre o punto quilométrico 0 e a estrada AC-552 (A Coruña- Cee). A súa lonxitude é de 5,85 km e ten unha velocidade de 100 km/hora. Por outra parte, o segundo treito, unha vía para automóbiles, vai dende a AC-552 ata a AC-550 (Cee- Ribeira). Este intervalo, cunha lonxitude de 3,06 km, permitirá unha velocidade de 80 km/hora, estimando a inclusión dun terceiro carril para os vehículos lentos no sentido Brens- Dumbría. Ambos tramos contarán con seis pasos superiores e outros seis inferiores. A alternativa elixida para o trazado é a que discorre máis afastada dos núcleos de poboación tanto no primeiro treito (Lobelos, Morancelle, Cavado, Xallas) como no segundo. Cómpre sinalar que esta opción, afasta o máximo posible o eixo das edificacións e proporciona unha maior lonxitude de adiantamento así como un menor impacto ambiental. Novas relacionadas Fonte - Nota de prensa da Consellería de Medio Ambiente, Territorio e Infraestruturas.
|
Semente RSS