A problemática do campo de fútbol de Cee, o agora chamado Campo de San Paio de Rofoxos (na imaxe durante a sesión de Campo a través deste pasado 2009), trascende do mundo deportivo. E chega, como todo, á vida política, a mesma que decidiu cambiarlle o nome de Novo Raíces. Hoxe é o BNG o que amosa a súa enorme disconformidade co goberno local no proceder en canto ao Campo de Futbol Municipal.

Nestes momentos, o terreo de xogo encontrase impracticable, é imposible xogar un partido alí, e os equipos do concello teñen que desprazarse por toda a bisbarra para desputar os seus partidos da casa. O Conco de Dumbría é o campo preferido polo equipo da 1ª Autonómica para sufrir o desterro.

Para o BNG o concello e incapaz de facer (como en tantas outras infaestructuras como depuradoras, estradas, aceiras, sumidoiros, etc...) un mantemento axeitado.

Por todo isto, o BNG pide unha actuación inmediata no campo para que os dous clubes, Cee e Pereiriña, poidan volver a disputar alí os seus partidos.

Menos subvencións

A crise acentúa ademais estes problemas e o goberno local xa puntou que recurtará nun 30% as subvencións a eses clubes. No caso do Unión Club Cee, o problema é, se cadra mais importante, xa que ten que desplazar aos seus rapaces de categorías inferiores, co risco que iso supón para nenos e pais.

Novas relacionadas

• Primeiras reaccións contra os orzamentos ceenses.
• Aprobados os orzamentos en Cee co PP e BNG en contra.
• Crónica da 17ª xornada da 1ª Autonómica: Peor comezo de ano case imposible .

Fonte

• Nota de prensa do BNG de Cee.