|
Xa vén de lonxe a problemática cos celadores no Hospital Virxe da Xunqueira de Cee. Case dous anos de loita, e máis de unha década facendo os enfermeiros un traballo que non lle corresponde. Con consecuentes perxuizos, tanto para os traballadores do centro como para os usuarios, todos nós que somos carretados polo hospital por enfermeiros que non poden cumplir coas súas obrigas. Hai un ano e dous meses o Comité de Empresa do HVdX escoitaban que os celadores non chegaría ata o 2010, pero as novas non parece que vaian a mellor. Reunión de centros
De feito, este pasado 18 de decembro, os Comités de Empresa dos Hospitais da Barbanza e Virxe da Xunqueira celebraron unha reunión para axuntar esforzos e reivindicar, de forma conxunta, a incorporación de Celadores aos seus respectivos hospitais. Estes dous hospitais son a día de hoxe as dúas únicas ex-fundacións que carecen da categoría de celador nos seus persoais. Sendo tamén á súa vez os dous únicos hospitais públicos da rede SERGAS que traballan sen devandita categoría. Nova bitácora
Unha das decisións tomadas por ambos comités foi comezar a loita pola rede. Para iso veñen de abrir unha páxina web "Queremos Celadores XA". O obxectivo téñeno claro: "facernos oír e conseguir pór fin a unha situación sen dúbida inxusta e discriminatoria con respecto ao resto de hospitais públicos Galegos". E por certo, xa teñen aberto o libro de visitas, así que podedes pasar e expoñer a vosa opinión. E senón, poden poñerse en contacto con eles a través de
Este enderezo de correo-e está protexido contra spam bots, necesitas ter o Javascript activado para podelo ver
Novas relacionadas Fonte
|
Semente RSS