O Concello de Dumbría, o que xa chamamos no seu día exemplo de desenvolvemento "irrenovable", recibiu por Reis un novo regalo. Se xa está esperando unha nova ponte no río Xallas (esta no termo de Santa Comba) e está pendente dun par de centrais hidroeléctricas, agora tocan viraventos.

Coa nova Lei, o concello dumbriés será o máis beneficiado, e contará nada menos que con 114 viraventos máis dispersados en 4 novos parques polo termo municipal. Xa son 4 encoros, 5 centrais hidroeléctricas (e 3 pendentes), 5 liñas de ata tensión, e máis de 100 megawatios de enerxía eólica...

E non cansamos de dicilo, todas estas enerxías renovables, deixan de selo cando se pasa o límite, e cando os encoros e os viraventos forman a paisaxe no canto das árbores e dos ríos. Ademais, canto revirte na zona estas concesións? Pagamos menos os veciños de Dumbría pola electricidade? Temos un servizo mellor?

Novas relacionadas

• Unha nova ponte no río Xallas.
• O Xallas corre de novo perigo de sufrir máis centrais hidroeléctricas.
• 610.000 euros de inocencia.
• Dumbría, un exemplo de desenvolvemento "irrenovable".
• Denuncia cunha foto: A morte da fervenza.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• La Voz de Galicia: Los parques eólicos generarán 2,5 millones con la nueva ley gallega.
• La Voz de Galicia: Dumbría, con 114 máquinas, será el más beneficiado en la Costa da Morte.