Brusca subida do paro. Así o confirma o informe da UPD Pacto de Emprego da Costa da Morte do mes de decembro de 2009. Logo de analizar os datos dos 14 concellos que tomamos en conta da Costa da Morte, vemos un aumento de 335 persoas, o que supón un 5,41%. Xa son 6.196 veciños parados. Vemos no mapa (dunha marcada cor vermella) como 11 dos 14 concellos da Costa sofren un aumento de buscadores de emprego.

Estas cifras supoñen un máximo histórico dos últimos 4 anos na zona.

Obradoiros de emprego

Unha das razóns que valoran dende a UPD é a finalización de varios obradoiros. Obradoiros que crean traballo temporal de mala calidade, que tratan de formar pero non sempre o consegue, e que vén a demostrar que son máis un parche que unha solución.

Análise por concellos

Ollamos exemplos como o concello de Dumbría, que sofre un aumento de 56 persoas, dato moi negativo. Máis grave se cabe dase en Malpica, con 73 novos parados. En Fisterra, 36 parados máis aos que hai que sumar os 25 que quedaron sen emprego o mes anterior. Zas pasa dos 40 novos parados, e Muxía, Vimianzo e Cabana, dos 25.

Tan só o Concello de Carnota sofre unha forte baixada do paro, pero tamén é debido a un obradoiro co que estaremos nas mesmas dentro duns meses. Os que si manteñen as cifras son os concellos de Cee, Corcubión e Mazaricos, que non sofren esta acusada subida do paro.

Variación por concellos

Por sectores

Nunha ollada comarcal vemos como no sector primario aumenta o paro todas as comarcas, agás Xallas onde non varía. Na industria destaca na forte subida de Muros e o lixeiro descenso de Xallas. Na construción, o incremento en Bergantiños, Fisterra e Soneira supera o 10%. O sector servizos compórtase algo mellor, con descensos en Xallas e Muros e a maior subida en Fisterra. En canto ao colectivo sen emprego anterior, o paro só aumenta moi lixeiramente en Fisterra e descende fortemente en Muros.

Xénero e idade

Informes do paro

• Novembro 09: Só Corcubión e Laxe non sofren a subida do paro.
• Outubro 09: 40 parados máis na Costa.
• Setembro 09: Leve aumento do paro na Costa.
• Agosto 09: O traballo temporal non soluciona os problemas do paro na Costa.
• Xuño 09: Baixa o paro na Costa da Morte.
• Maio 2009: O paro cae en 6 concellos da bisbarra no mes de maio.
• Abril 2009: O paro descende en 4 concellos da Costa.
• Marzo 2009: O paro crece a menor ritmo na Costa da Morte.
• Febreiro 2009: Xa hai máis de 5.700 parados nos 14 concellos da Costa.
• Xaneiro 2009: A construción provoca un novo aumento no paro na Costa da Morte .
• Decembro 2008: A caída da industria e a construción provocan un serio aumento do paro na bisbarra .

Novas relacionadas

• O sector turístico da Costa toma nota en Cataluña (QPC estará alí).
• Unha boa guía para pedir axudas ao Ministeiro para a reindustrialización .
• A bitácora da semana (LXVIII): O blog da UPD Pacto de Emprego da Costa da Morte.

Fonte

• Nota de prensa do equipo da UPD "Pacto territorial de emprego Costa da Morte".
• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).