Xa está aquía a Homenaxe polo 50 Aniversario do afundimento do Bonito. Este domingo 17 de xaneiro de 2010 comezan as actividades en torno a este emotivo naufraxio, que servirá de homenaxe a todos os mariñeiros fisterráns vítimas do noso mar.

Programa

Domingo 17 de xaneiro

Ás 18:00h na lonxa celebrarase a inauguración desta Homeaxe aos mariñeiros, no que intervirán:

• As familias afectadas;
• O alcalde de Fisterra, José Manuel Traba;
• O Patron Maior da Confraría de Pescadores, José Manuel Martínez "Manolete";
• Alexandre Nerium, poesta fisterrán.

Ademais descubrirase unha placa conmemorativa e unha ofrenda floral mentres canta o coro parroquial.

Luns 18 de xaneiro

Ás 19:00h na Igrexa da Sta. María das Areas terá lugar o funeral polos falecidos no Bonito, cunha misa cantada.

Do 17 ao 31 de xaneiro

Exposición de fotografía adicada ao pesqueiro O Bonito. Na lonxa e en horario de tarde.

A historia do bonito

O vapor pesqueiro naufragou o 18 de xaneiro de 1960 na Costa da Morte, pénsase que puido ser entre o Cabo da Nave e a praia da Arnela, como apunta neste mapa creado por Xoán Silva Pazos, dende o seu blog Promontorio Nerium. Nel desapareron once homes do municipio, que deixaron ás súas costas 32 rapaces orfos. Este pesqueiro adicabase a pesca de palangre de pescada e ese día, arredor das 7 da mañá, saíu coma un día máis en busca do pan dos seus fillos coa intención de regresar ás 15:00h da tarde. Pasaron as horas e os seus tripulantes non chegaban aos seus fogares o que inquietou ao seu propietario e a xente do mar fisterrán.

Esa mesma noite unha “vaca” saíu do porto en busca deles a percorrer a zona na que se supón que ía faenar o “Bonito”.

Na mañá do 19 saíron de Fisterra 5 barcos máis, que atoparon á altura de Muxía os restos dun aparello de pesca e unha prenda de roupa de auga dun pescador. Aí foi cando se decataron da lamentable nova que ninguén esperaba.

O barco, propiedade dos sobriños de Matías Canosa, ía patroneado por Ramón Trillo Lisancos, casado e con tres fillos menones. Como motorista, Juan Fernández Marcote, con catro fillos e como mariñeiros: Fidel López Traba, Manuel Rivera Calo, Juan Lago Domínguez, o seu irmán Ramón, Francisco Santamaría Canosa, Juan López Domínguez, Juan Traba Trillo, Agustín Rivas Domínguez e Manuel López López, todos veciños da Vila do Cristo. 

Máis información

• Promontorio Nerium: De naufraxios e outras catástrofes marítimas.
• Homes de pedra en barcos de pau: O Bonito de Fisterra.

Novas relacionadas

• Sembrando os cimentos dunha homenaxe aos mortos do mar <>.
• Modesto Fraga leva a poesía ata o fondo do mar de Fisterra.
• O día da Homenaxe ao Serpent e a todos os mortos do mar.
• Unhas pequenas notas sobre o Serpent e a Costa da Morte con Juan Campos.
• Galería da procesión da Virxe do Carme 2009.
• Galería da Procesión da Virxe do Carme de Corcubión 2009.

Fonte

• Nota de prensa do Concello de Fisterra.
• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).