|
A historia e o futuro da Prologación Xacobea a Fisterra e Muxía foron aos protagonistas da xornada de reflexión que organizaba a Asociación Muxía Natural no albergue de peregrinos, coa colaboración do Concello de Muxía e á Asociación Galega de Amigos do Camiño de Santiago. Unhas xornadas que veñen nun momento importante, cando tanto por Muxía como por Fisterra andan a volta coa Fin do Camiño. Moitos foron os especialistas que participaron na sesión, como Antón Castro, Antón Pombo ou Manuel Vilar. Tamén estivo o alcalde Félix Porto, quen non agardaba unha acollida así. Varios os puntos de interese sobre os que se centraron os relatores. O patrimonio inmaterial foi o centro de atención do crítico de arte Antón Castro. Un Castro que tamén falou da cristianización de Muxía a través do asentamento monacal, vocábulo que dá nome ao municipio (monxía, mongía, muxía). Antón Pombo, ex presidete da AGACS, escritor, xornalista e gran estudioso do Camiño, reflexionou sobre as posibilidades económicas do Camiño e propuxo a creación dun Centro de Interpretación da Barca. José Antonio de Rísea, presidente da Asociación Galega de Amigos do Camiño de Santiago, tirou para casa e deixou ben claro que o Camiño de Santiago termina na catedral, se ben recoñeceu a existencia na Idade Media da Prolongación a uxía e Fisterra. Outro muxián, Manuel Vilar, que vén de recibir un pmio de investigación sobre o Camiño relacionou turismo con desenvolvemento local a través da reciclaxe do rural agrario en turismo rural. Vilar apuntou un novoa vía para o Camiño, propoñendo que pase pola Igrexa de Moraime (vemos un detalle na imaxe). Na súa labor, o presidente de APTCM, Manuel Pan, considera o Camiño a Fisterra e Muxía, como un produto, con todas as súas consecuencias. Raquel Carrregal foi a encargada de darnos a visión da repercusión na economía das localidades polas que discorre o Camiño. Ela montou o albergue de peregrinos Ulteria en Arzúa, con cafetería incluída. Pero tamén estaban presentes os representantes do Arcebispado de Santiago desprazásense a Muxía, o que reflicte que a postura da Igrexa sobre a prolongación está cambiando. Jenaro Cebrián, delegado de peregrinacións, falou distendidamente, e en confianza, da súa vinculación coa Costa da Morte e das súas percepcións sobre a experiencia espiritual dos peregrinos. Javier Porro foi o moderador, e como complemento aos relatorios, o salón de actos do albergue mostrou tamén a exposición Artesanía no Camiño, na que puideron verse as manualidades do liño, o encaixe, cheiraríaa, muñequería, maquetas, coiro e marquetería. Máis información Novas relacionadas Fonte e máis información
|
Semente RSS