Continúa a mudanza de Galinus, Taller de Novos Medios. A innovadora empresa corcubionesa continúa o se proceso de cambio de pel, dende a sede, ata a web corporativa. Precisamente a través da web galinus.com a empresa vai desenvolvendo o seu proceso de mudanza por fases.

Estas fases reflicten ademais como desenvolve os seus proxectos a empresa, e esta fase, a Fase 2, demostra que unha das partes fundamentais dun traballo ben feito é coñecer ao cliente, que neste caso é a propia empresa. Para iso, Galinus TV realizou unha curta de entrevistas a varios veciños de Corcubión. Nela os veciños afondan nas raíces do proxecto Galinus, cunha serie de persoas que levan entre 7 e 2 anos na Costa da Morte e que senten este lugar dun xeito moito máis profundo que en calquera das súas vivencias anteriores. A curta estreouse a ritmo de alfombra vermella no Bar O Pazo, o epicentro social da vila. Os veciños foron os protagonistas, e ata un Óscar ao mellor actor foi entregado.

Onte, luns 18 de xaneiro de 2010, Galinus estreaba a curta na rede, que podedes ver en Galinus, A Película. Ademais xa podedes pasar a facer os vosos comentarios polo Galiblog.

Máis información

• galinus.com.
• Galinus, A Película.
• O Galiblog.

Novas relacionadas

• Pondal tamén aprende de redes sociais.
• Corcubión ponse de "holibú".
• Galinus felicita as festas.
• O pobo describe Galinus.
• Galinus muda por fóra e por dentro.
• Galinux ou Galinus? "Non somos nós".
• A empresa corcubionesa Galinus é finalista dun premio de Novas Tecnoloxias.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).