Onte, martes 19 de xaneiro de 2010, apagábanse os centros de emisión da televisión analóxica de varios concellos da Costa da Morte, en concreto, o de Muxía, Fisterra, Fisterra 2, Corcubión, Cee, Sardiñeiro, Ézaro-Pindo, Lariño e Muros. Calcúlase que estes ceses beneficiarán a preto de 35.000 persoas desta área xeográfica. Para hoxe quedan os de Cabana de Bergantiños, Laxe, Malpica de Bergantiños, Ponteceso e Zas.

Incidencias

Pero como non podia ser doutro xeito, a xornada do apagado estivo marcada por unha serie de incidencias técnicas en Corcubión, Cee e Camelle, que a Consellería están procedendo a solucionar.

Rexistráronse dúas incidencias técnicas: a primeira, en Cee e Corcubión, onde uns edificios impiden que algunhas zonas reciban dun dos centros emisores principais, polo que algúns cidadáns non poden ver todas as canles de televisión. Esta incidencia podería deberse tamén a un microreemisor non censado que facilitaba o sinal analóxico.

Ademais, detectáronse problemas de sinal en Camelle, onde tamén xa están traballando os técnicos de Retegal para identificar as causas e proceder a subsanalos. Todo parece indicar que podería tratarse, así mesmo, dunha dependencia en analóxico doutro microreemisor rexistrado recentemente e que hoxe non emitiu, descoñecéndose, de momento, de qué centro emisor principal apagado recibía o sinal.

Estas incidencias levan á Secretaría Xeral de Medios a solicitar a todos os cidadáns que se adapten, canto antes, á televisión dixital terrestre co obxectivo de lograr unha máis pronta identificación dos problemas que poidan xurdir.

Ampliación do prazo de axudas para decodificadores

Ademais dende o Ministerio de industria informan de que amplian de novo o prazo para maiores para a adquisición de decodificadores. Poden ollar os  requisitos para as axudas para adquirilos a través dos concellos.

Chamadas de información

Segundo afirman dende a Consellería, ao longo do día de onte constatouse unha diminución de chamadas nos números de información ao cidadán solicitando, principalmente, información sobre a sintonización dos equipos.

Segue aberto o número de chamadas dos cidadáns recibidas nos números de información 012 e 981 572 154, demandando información, fundamentalmente, sobre a sintonización dos equipos.

Máis información

• www.tdtgalicia.es.
• www.tdtnacostadamorte.co.nr.

Novas relacionadas

• O día A.
• Ciencia e Tecnoloxía, con Mario Rodríguez Gómez: Telefonos Móbiles VS. Saúde, o eterno debate.
• Dúbidas sobre a correcta cobertura da TDT en Cee.
• Compromiso estatal ca TDT de Muxía.
• Loitando por unha televisión digna para a Costa da Morte.
• Axudas aos maiores para adquirir decodificadores de TDT.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).