Complicada a vida da Comisión de festas de turno. Coñecidas son as disputas nos pobos sobre o día da festa: se manter a tradición e o propio día do santo (sexa o día da semana que sexa); ou facer que o día da romería coincida na fin de semana.

Pis por Mira téñeno claro, e por primeira vez a romaría das Festas de S. Roque do Monte será en sábado. Unha recollida de sinaturas da Comisión deu un resultado apabullante, con 178 firmas polo si e tan só 7 polo non.

Así a festa será, no canto do 24 de agosto, será o 4º sabado de agosto. Polo tanto, este 2010, será o sábado 28 de agosto.

Outros exemplos

Temos en Corcubión o exemplo perfecto de como esta disxuntiva fai dividir ao pobo. As festas do San Pedro crean un conflito enorme na vila, na que boa parte da mocidade vive fóra. De aí que un nutrido grupo de mozos, e non tan mozos, crearan a Plataforma SPS, ou o que é o mesmo San Pedro Sábado.

Cada ano, a problemática aumenta, pero a Comisión e boa parte do pobo non quere cambiar a tradición. Se hai pobos que ata polas festas se divide...

Novas relacionadas

• As imaxes da nevada: Zas.
• San Pedro de Corcubión 2008: O San Pedro de Corcubión celebreouse por parroquias.
• Zas aprende galego.

Fonte

• Información e fotografías achegadas por Braulio de Follente.