Este é o lema elixido polo Concello de Fisterra para promocionar o seu Entroido, do que lle din "o máis tradicional da Costa da Morte", (e agardemos que non se enfade ninguén...). Despois do amplo programa do Nadal presentado polo Departamento de Cultura do Concello de Fisterra, o Concelleiro de Cultura, Deportes e Turismo Santiago Insua Esmorís-Recamán anima a todas as comparsas a participar no entroido fisterrán.

Cómpre destacar que o propio Concello vai pór todos os medios necesarios para que o evento conserve a súa categoría pero pide a colaboración de todas as persoas pertencentes ás comparsas que se animen e saquen forzas para que o noso entroido sexa cada vez mellor e non decaiga.

Non cabe dúbida que as comparsas fisterrás son as máis experimentadas e traballadas, pero nos últimos anos sempre houbo participación de fóra do concello, algo que fai máis auténtica a celebración.

A cita será o martes 16 de febreiro de 2010, na Praza da Constitución de Fisterra, ás 18:00h.

Bases do concurso de comparsas

Premios

En canto aos premios a repartir menciona que son as contías máis grandes que se dan en toda a zona e ademais aquelas comparsas que non consigan ningún dos tres primeiros premios, faráselle entrega dun accésit de 300 euros a modo de axuda para os gastos ocasionados.

Os premios son:

• 1 premio: 1.500€;
• 2ª premio: 1.200€;
• 3º premio: 900 euros.

Valoracións

Os aspectos a puntuar serán a presentación (disfraces, maquillaxe...), calidade artística (música, posta en escena, organización...) e o contido das cancións e letras.

Outros detalles indican que o tempo de actuación non sobrepasará  os 30 minutos; que cada comparsa terá como mínimo 15 persoas; e que as participantes terán a obriga de participar no desfile que se celebrará o sábado día 13 de febreiro.

Inscricións

O prazo para inscribirse nas oficinas municipais termina o 5 febreiro podendo chamar para pedir información ao 981.74.00.01 en horario de 8:30h a 14:30h.

Se arriba vemos aos Presajeiros sen Fronteiras co seu musical de ABBA, aquí vos deixamos cun vídeo da Galería do ano pasado... non ten perda ese movemento de cadeiras...

Novas relacionadas

• Entroido de Fisterra 2009: Fisterra decide os Oscars da Costa da Morte.
• Entroido de Fisterra 2008: Puro teatro!.

Máis novas

• Homenaxe ao Bonito: "O sal, o sangue de Fisterra".
• El Tiempo de Fisterra ou Muxía?.
• De procesión na Semana Santa de Fisterra.
• O pobo de Laxe enterra ao Cayetano.

Fonte

• Nota de prensa do Departamento de Cultura de Fisterra.