Moitos son os problemas que se están xerando no seo do pequeno comercio de Cee. A apertura do Eroski, un ano atrás (que non só incomodou ao pequeno comercio) e os novos supermercados no norte do concello poden provocar o peche de moitos pequenos comercios.

O que parece manterse vivo malia e todo e o mercado municipal dos domingos. Xentes de toda a bisbarra achéganse á vila da Xunqueira de compras domingueiras, nunha actividade que gusta a pequenos, medianos e maiores. E claro, sempre acompañados duns bos churros...

Pero estes días, os concelleiros do Grupo Municipal do BNG no Concello de Cee, Daniel Oca González e Santos Díaz Graíño, van presentar unha moción sobre este asunto. A idea é a de facer unha delimitación da área comercial que pode abrir os días de mercado.

Segundo apuntan, polo de agora non está tipificada a área na que se permite abrir o domingo, polo que o BNG pide que só sexa no casco urbán onde se permita abrir nas datas do mercado, para favorecer o pequeno comercio e os feirantes. É o concello o que ten que delimitar a área.

Novas relacionadas

• Incómodos co Eroski.
• O BNG de Cee denuncia a desprotección do casco antigo .
• As imaxes da chuvia .
• Axuda misericordiosa para a única estación de buses da Costa da Morte.
• As verdades como puños de José Luis Louzán: A Praza que nos separa.

Fonte

• Nota de prensa do BNG de Cee.
• Fotografía de Kalina.